Maharashtra Assembly Election: राज्याच्या विधानसभा निवडणुकीसाठी 29 ऑक्टोबरही उमेदवारी अर्ज दाखल करण्याची शेवटची तारीख होती. उपराजधानी असलेल्या नागपूरमधील नागपूर मध्य विधानसभा मतदारसंघातून अवघे 1-2 मिनिटे उशीर झाल्याने माजी मंत्री अनीस अहमद यांना उमेदवारी अर्ज दाखल करता आला नाही.
विधानसभा निवडणुकीसाठी निवडूक आयोगाने अर्ज भरण्यासाठी 29 ऑक्टोबर रोजी दुपारी 3 पर्यंत मुदत दिली होती. मात्र, अनिस अहमद अर्ज भरण्यासाठी निवडणूक कार्यालयात दुपारी 3 वाजून 1-2 मिनिटांनी दाखल झाले. त्यामुळे निवडणूक अधिकाऱ्यांनी त्यांचा अर्ज दाखल करुन घेण्यास नकार दिला.
