भूषण ओक - शेअर बाजार विश्लेषक
अमेरिकेचे अध्यक्ष डोनाल्ड ट्रम्प यांच्या आयातशुल्कविषयक धोरणांमुळे जागतिक अर्थव्यवस्थेच्या साच्यात मोठे बदल घडून येण्याची शक्यता निर्माण झाली आहे आणि त्यामुळे जगभरातील शेअर बाजार ढासळत आहेत. भारतीय सॉफ्टवेअर सेवांना आयातशुल्क लागू नसले, तरी अमेरिकेत येऊ शकणाऱ्या मंदीच्या भीतीने आयटी कंपन्याही पडत आहेत. मात्र, यातून उत्तम गुंतवणुकीसाठी संधी निर्माण होतील. अशी संधी केसॉल्व्हज इंडिया लि. या कंपनीमध्ये मिळू शकते.