Adani Group: क्रेडिट कार्ड आणि UPI पेमेंटमध्ये अदानी समूहाची एन्ट्री; गुगल पे, फोन पेला देणार टक्कर

Adani Group: अदानी समूहाच्या नवीन उपक्रमाला अंतिम स्वरूप दिल्यास ग्राहकांना अदानी वन या ग्राहक ॲपद्वारे सेवा उपलब्ध होतील. हे ॲप 2022 च्या शेवटी लॉन्च करण्यात आले होते.
Adani Group
Adani GroupSakal

Adani Group: गौतम अदानी समूह ई-कॉमर्स आणि फायनान्स क्षेत्रात व्यवसाय वाढविण्याची योजना आखत आहे. समूह युनिफाइड पेमेंट्स इंटरफेस (UPI) साठी केवळ परवान्यासाठी अर्ज करणार नाही तर को-ब्रँडेड अदानी क्रेडिट कार्डसाठी बँकांशी बोलणीही करत आहे. मात्र, अदानी समूहाने या वृत्तावर प्रतिक्रिया देण्यास नकार दिला आहे. अदानी समूहाच्या या नव्या पाऊलामुळे गुगल आणि पेटीएम सारख्या स्पर्धकांच्या अडचणी वाढू शकतात.

फायनान्शियल टाईम्स (FT) च्या अहवालात अदानी समूह ओपन नेटवर्क फॉर डिजिटल कॉमर्स (ONDC) द्वारे ऑनलाइन शॉपिंग ऑफर करण्यासाठी चर्चा करत आहे. ONDC हे सरकार समर्थित ई-कॉमर्स प्लॅटफॉर्म आहे. येथे विक्रेता आणि खरेदीदार यांच्यात थेट व्यवहार होतात. या प्लॅटफॉर्मवरून खरेदी करण्यासाठी पेमेंट ॲप असणे आवश्यक आहे.

Adani Group
Gold Silver Rate: सोने-चांदीच्या भावामध्ये चढ-उतार सुरूच; ‘चांदी’त दिवसभरात प्रतिकिलो चौदाशे रुपयांनी ‘उसळी’

अदानी समूहाच्या नवीन उपक्रमाला अंतिम स्वरूप दिल्यास ग्राहकांना अदानी वन या ग्राहक ॲपद्वारे सेवा उपलब्ध होतील. हे ॲप 2022 च्या शेवटी लॉन्च करण्यात आले होते. या ॲपवर फ्लाइट आणि हॉटेल बुकिंगसारख्या प्रवासी सेवा उपलब्ध आहेत. अहवालानुसार, समूहाचे ई-कॉमर्स आणि पेमेंट प्लॅटफॉर्म प्रथम त्यांच्या विद्यमान ग्राहकांना लक्ष्य करतील.

अदानी ग्रुप समोर अनेक स्पर्धक असतील. उदाहरणार्थ, Google, PhonePe आधीच UPI-आधारित पेमेंट ॲप्स चालवतात तर पेटीएम आणि टाटा सारखे देशांतर्गत समूह ONDC द्वारे किराणा आणि फॅशन शॉपिंग ऑफर करतात.

Adani Group
RBI Action: ग्राहक चिंतेत! येस बँक आणि ICICI बँकेवर आरबीआयची मोठी कारवाई; काय आहे प्रकरण?

तज्ञ काय म्हणतात?

"हा देश केवळ टाटा, अंबानी आणि अदानी या तीन उद्योग समूहांद्वारे चालवला जातो. अदानी हा तीन गटांपैकी एक आहे ज्यामध्ये आवश्यक ग्राहक उत्पादनांचा व्यवसाय नाही," बेंगळुरूस्थित तंत्रज्ञान तज्ञ जयंत कोल्ला यांनी सांगितले. अशा परिस्थितीत हा नवा उपक्रम अदानी समूहासाठी नवीन दरवाजे उघडणार आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com