Gold Silver Price : गुढी पाडव्याच्या दिवशी सोनं महागलं! जाणून घ्या तुमच्या शहरातील दर

आज ऐन गुढी पाडवाच्या दिवशी सोने चांदीचे दर महागल्याचे दिसतेय.
Gold Silver Price on Gudi Padwa
Gold Silver Price on Gudi Padwasakal

Gold Silver Price : गेल्या काही दिवसापासून सोने चांदीच्या दरात चढ उतार दिसून येत होता. मंगळवारी गुढी पाडवाच्या आदल्या दिवशी सोने चांदीच्या दरात घसरण दिसून आली होती मात्र आज ऐन गुढी पाडवाच्या दिवशी सोने चांदीचे दर महागल्याचे दिसतेय.

गुड रिटर्न्स या वेबसाइटनुसार 22 कॅरेट साठी 10 ग्रॅम सोन्याची किंमत 55,000 रुपये तर 24 कॅरेट साठी 60,000 रुपये आहे तर आज 10 ग्रॅम चांदी 721 रूपये आहे. (Gold silver price update 22 March 2023 Gudi padwa special)

देशातील काही महत्वाच्या शहरातील 24 कॅरेट साठी 10 ग्रॅम सोन्याचा भाव जाणून घ्या

चेन्नई - 60,770 रुपये

दिल्ली - 60,150 रुपये

हैदराबाद - 60,000 रुपये

कोलकत्ता - 60,000 रुपये

लखनऊ - 60,150 रुपये

मुंबई - 60,000 रुपये

पूणे - 60,000 रुपये

नागपूर - 60,000 रुपये

सोन्याची शुद्धता कशी जाणून घ्यावी-

सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं.

बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

हॉलमार्क (Hallmark)-

सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी. सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com