सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
Maggi Noodles Case: मॅगी नूडल्समध्ये शिशासारखे घातक रसायन पदार्थ वापरल्याचा आरोप असलेल्या नेस्लेला 9 वर्षांनंतर मोठा दिलासा मिळाला आहे. राष्ट्रीय ग्राहक विवाद निवारण आयोगाने (NCDRC) 2015 मध्ये सरकारने दाखल केलेली तक्रार फेटाळली आहे.
ग्राहक व्यवहार विभागाने नेस्ले इंडिया लिमिटेडविरुद्ध तक्रार दाखल केली होती. या प्रकरणी कंपनीकडून 639 कोटी रुपयांहून अधिक भरपाईची मागणी करण्यात आली होती.
NCDRC ने नेस्ले इंडिया विरोधात दाखल केलेली याचिका फेटाळून लावल्याने FMCG कंपनीला मोठा दिलासा मिळाला आहे. कंपनीने आपल्या स्टॉक एक्सचेंज फाइलिंगमध्ये ही माहिती दिली आहे. एनसीडीआरसीने हा निर्णय 2 एप्रिल रोजी दिला होता, त्याची प्रत बुधवारी कंपनीला मिळाली.
नेस्लेने सांगितले की, 'केंद्र सरकारच्या ग्राहक व्यवहार विभागाने 2015 मध्ये NCDRC कडे दाखल केलेल्या तक्रारीत कंपनीने धोकादायक-दोषयुक्त घटक असलेले मॅगी नूडल्स तयार करून लोकांना विकल्याचा आरोप करण्यात आला होता. मॅगी नूडल्समध्ये निर्धारित प्रमाणापेक्षा जास्त रसायनांचा वापर केल्याचा आरोप करण्यात आला होता.
या प्रकरणी सरकारने नेस्लेकडे 284.55 कोटी रुपये भरपाई आणि 355.41 कोटी रुपयांची दंडात्मक नुकसान भरपाई मागितली होती. सरकारची ही मागणी NCDRC ने 9 वर्षांनंतर फेटाळली आणि निर्णय कंपनीच्या बाजूने दिला.
2015 मध्ये, नेस्लेच्या मॅगी नूडल्समध्ये धोकादायक रसायनांचा वापर केल्याच्या आरोपानंतर, उत्पादनावर 6 महिन्यांसाठी बंदी घालण्यात आली होती. कंपनीला बाजारातून सुमारे 38,000 टन नूडल्स परत मागवून घ्यावे लागले होते. मॅगी नूडल्स बाजारातून पूर्णपणे गायब झाले होते. नोव्हेंबर 2015 मध्ये, निर्बंध शिथिल करण्यात आले आणि मॅगी नूडल्स पुन्हा एकदा बाजारात दिसू लागले.
NCDRC कडून मोठा दिलासा दिल्यानंतर नेस्ले इंडियाच्या शेअर्समध्ये किंचित वाढ झाली. शुक्रवारी सकाळी NSE वर कंपनीचे शेअर्स सुमारे 19 रुपयांच्या वाढीसह 2,568 रुपयांवर व्यवहार करत होते.
मात्र, दुपारी 2 च्या सुमारास कंपनीचे शेअर्स किंचित घसरून 2,543 रुपयांपर्यंत खाली आले. 31 डिसेंबर 2023 रोजी संपलेल्या तिमाहीत कंपनीचा निव्वळ नफा 4.38% वाढीसह 655.61 कोटी रुपये होता.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
