Milk Price Hike : सर्वसामान्यांना महागाईला आणखी एक झटका! आता दुधाचे भाव वाढले; जाणून घ्या नवे दर

घरगुती आणि व्यावसायिक एलपीजीच्या किंमतीमध्ये वाढ झाल्या नंतर आता दुधाच्या किंमती वाढल्या आहेत,
Milk Price Hike
Milk Price Hike Sakal

Milk Price Hike : आजपासून मार्च महिना सुरू झाला असून अनेक नवीन बदलही तुम्हाला पाहायला मिळत आहेत. घरगुती आणि व्यावसायिक एलपीजीच्या किंमतीमध्ये वाढ झालेली आहे. याशिवाय आज मुंबई शहरातील दुधाच्या किंमतीमध्ये मोठी वाढ झाली आहे.

दूध मुंबईत प्रतिलिटर पाच रुपयांनी महागले :

मंगळवारी मध्यरात्रीपासून मुंबईतील म्हशीच्या दुधाच्या घाऊक दरात प्रति लिटर 5 रुपयांनी वाढ झाली आहे. यामुळे कच्चा माल म्हणून त्यावर अवलंबून असलेल्या संपूर्ण खाद्य उद्योगावर लक्षणीय परिणाम होऊ शकतो.

मुंबई दूध उत्पादक संघाने (MMPA) गेल्या शुक्रवारी म्हशीच्या दुधाच्या घाऊक दरात मोठी वाढ जाहीर केली होती. एमएमपीएच्या कार्यकारी समितीचे सदस्य सीके सिंग म्हणाले, ''बल्क दुधाच्या किंमती 80 रुपये प्रति लिटरवरून 85 रुपये प्रति लीटरपर्यंत वाढतील आणि 31 ऑगस्टपर्यंत लागू राहतील.''

यानंतर मुंबईतील 3,000 हून अधिक किरकोळ विक्रेत्यांनी म्हशीच्या दुधाच्या किरकोळ बाजारात अशीच वाढ केली आहे, जे आता 1 मार्चपासून प्रति लिटर 85 रुपयांच्या तुलनेत सुमारे 90 रुपये प्रति लिटरने उपलब्ध होईल.

सर्वसामान्यांसाठी या वस्तूंच्या किंमती वाढणार :

सर्वसामान्य ग्राहकांना या वाढीव दरवाढीचा फटका केवळ साध्या दुधाच्याच नव्हे, तर इतर दुग्धजन्य पदार्थांनाही सोसावा लागणार आहे.

मुंबई दूध उत्पादक संघाचे कोषाध्यक्ष अब्दुल जब्बार चावनीवाला म्हणाले, ''याचा परिणाम रेस्टॉरंट्स, फुटपाथ विक्रेते किंवा छोट्या भोजनालयात दिल्या जाणाऱ्या चहा-कॉफी-मिल्कशेक इत्यादींच्या दरांवर होईल.''

Milk Price Hike
Bill Gates Met Sachin: बिल गेट्स सचिनचा मेगा प्लॅन; आता लवकरच...

इतर अनेक दुग्धजन्य पदार्थांचे भाव वाढतील :

दोघांनी सांगितले की, खवा, पनीर, पेडा, बर्फी सारख्या मिठाई, काही उत्तर भारतीय किंवा बंगाली मिठाई यांसारख्या दुग्धजन्य पदार्थांच्या किंमतीत आता वाढ होऊ शकते.

उत्तर मुंबईचे मुख्य दूध उत्पादक महेश तिवारी यांनी सांगितले की, काही सण आणि लग्नसराईच्या पूर्वसंध्येला ही दरवाढ झाली असून, त्याचा परिणाम बुधवारपासून घाऊक दुधाच्या दरात वाढ झाल्यामुळे होणार आहे.

"दूध आणि दुग्धजन्य पदार्थांची मागणी सणांच्या काळात किमान 30-35 टक्क्यांनी वाढते आणि लग्न आणि इतर सामाजिक कार्यक्रमांसाठी त्याहूनही अधिक वाढते आणि नवीन दर लागू होतील,"

ते म्हणाले. सिंह म्हणाले- पुढील काही महिन्यांत होळी, गुढीपाडवा, राम नवमी, महावीर जयंती, गुड फ्रायडे नंतर इस्टर, रमजान ईद आणि इतर सण आहेत, जेथे उत्सवाचे बजेट वाढवावे लागेल.

मुंबईत दुधाचे दर का वाढले?

सीके सिंग म्हणाले, ''दुभत्या जनावरांच्या तसेच त्यांच्या अन्नपदार्थ जसे दाणा, चना, मका, हिरवे गवत, तांदूळ गवत यांच्या दरात वाढ झाली आहे. ज्यांच्या किंमती गेल्या काही महिन्यांत 15-25 टक्क्यांनी प्रचंड वाढल्या आहेत.

एमएमपीएचे सरचिटणीस कासिम काश्मिरी म्हणाले, "महागाई अनियंत्रित झाली आहे, म्हशींचा चारा बनवण्यासाठी वापरल्या जाणार्‍या अनेक गोष्टी जवळपास महाग झाल्या आहेत.

परंतु आम्हाला त्या बाजारातून चढ्या भावाने विकत घ्याव्या लागतात." त्यामुळे दुधाच्या दरात वाढ अपरिहार्य असली तरी ती अनिच्छेने करण्यात आली आहे.

Milk Price Hike
कॅशबॅक किंवा खरेदीवर सूट मिळणारंच कार्ड निवडा...

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com