Mumbai : बँक ऑफ बडोदा रुपे क्रेडिट कार्ड आता यूपीआय वरही वापरता येणार

मुंबई : बँक ऑफ बडोदा क्रेडिट कार्डचे वापरकर्ते त्यांची रुपे क्रेडिट कार्ड आता यूपीआय वर भीम किंवा युपीआय वर चालणाऱ्या अन्य ॲप मार्फत वापरू शकतात, असे बीओबी फायनान्शियल सोल्युशन्स आणि नॅशनल पेमेंट कॉर्पोरेशन ऑफ इंडिया यांनी जाहीर केले आहे.

बीओबी फायनान्शिअल सोल्युशन्स बँक ऑफ बडोदा ची उपकंपनी आहे. आता या नव्या निर्णयामुळे बँक ऑफ बडोदा रुपे क्रेडिट कार्डधारकांना जवळपास सर्व व्यापारी आस्थापनांमध्ये क्यूआर कोड किंवा मशीन मार्फत आपले पैशांचे व्यवहार करता येईल. बँक ऑफ बडोदा चे एमडी व सीईओ संजीव चढ्ढा यांनी ही माहिती दिली. बीओबी फायनान्शिअल तर्फे मोठ्या प्रमाणावर रुपे क्रेडिट कार्ड दिली जातात.