OLA Electric : ‘ओला इलेक्ट्रिक’च्या विक्रीत ११५ टक्के वाढ

बंगळूर : ओला इलेक्ट्रिक कंपनीने आर्थिक वर्ष २०२४ मध्ये वाहनविक्रीत आर्थिक वर्ष २०२३ च्या तुलनेत ११५ टक्क्यांनी वाढ नोंदवली आहे.

कंपनीने आर्थिक वर्ष २०२४ मध्ये तीन लाख २८ हजार ७८५ वाहनांची विक्री केली आहे, वर्ष २०२३ मध्ये हे प्रमाण

१,५२,७४१ होते. मार्च महिन्यात ५३,००० हून अधिक इलेक्ट्रिक दुचाकींची नोंदणी (वाहन पोर्टलनुसार) झाली असल्याचे कंपनीने म्हटले आहे. ही कंपनीची आतापर्यंतची सर्वाधिक मासिक विक्री आहे.

आर्थिक वर्ष २०२४ च्या चौथ्या तिमाहीत एक लाख १९ हजार ३१० वाहनांची विक्री नोंदणी करून तिमाही तुलनेत ४२ टक्क्यांनी वाढ नोंदवली. मागील तिमाहीत ८४,१३३ वाहनांची विक्री केली होती, अशी माहिती कंपनीने दिली आहे.