दरवर्षी एक अतिरिक्त ईएमआय भरल्यास होम लोन 30 वर्षांऐवजी 17 वर्षांत संपवता येऊ शकतं.
50 लाखांच्या 8% व्याजदराच्या कर्जावर सुमारे ₹ 34 लाखांचं व्याज वाचवता येतं.
हे गणित जास्त पैसे भरण्याचं नाही, तर हुशारीने दरवर्षीची बचत वापरून लोन लवकर संपवण्याचं आहे.
Home Loan: घराचं स्वप्न पूर्ण करताना बहुतांश लोकांना होम लोन घ्यावं लागतं. मात्र, हेच कर्ज आयुष्याचं ओझं बनत जातं. 20-30 वर्षे कर्ज फेडत बसल्याने जवळपास अर्ध आयुष्य बँकेला व्याज भरण्यात जातं. पण, फक्त काही स्मार्ट निर्णय घेतल्यास हे ओझं मोठ्या प्रमाणात कमी करता येऊ शकतं, असं फाइनान्शिअल एक्स्पर्ट सीए नितिन कौशिक यांनी सांगितलं आहे.