Swiggy Holi Billboard : स्विगीच्या होळीच्या बोर्डवरून सोशल मीडियावर राडा, कंपनीने काढली जाहिरात

Swiggy Holi Billboard Row : सोशल मीडियावर काही लोकांनी आक्षेप घेतल्यानंतर स्विगीने होळीसाठी अंड्यांच्या जाहिरातींचे बोर्ड काढून टाकले आहेत. जाहिरात बोर्डवर काही रंगांसह अंड्यांचे चित्र आहे. यासोबत तीन गोष्टी लिहिल्या आहेत.

यामध्ये ऑम्लेट आणि सनी साइड अपच्या पुढे एक चेक मार्क आहे. तिथे 'कुणाच्या तरी डोक्यासमोर' चुकीची खूण आहे. खाली लिहिले आहे - #वाईट खेळू नका, Instamart वरून होळीच्या आवश्यक गोष्टी मिळवा. या प्रकरणी स्विगीकडून कोणतेही अधिकृत वक्तव्य आलेले नाही.

पीटीआयने दिलेल्या माहितीनुसार जाहिरात बॅनर फक्त दिल्ली-एनसीआरमध्ये लावले गेले होते आणि आता काढले गेले आहेत. जाहिरात पोस्ट झाल्यानंतर लगेचच अनेकांनी ‘हिंदुफोबिक स्विगी’ या हॅशटॅगसह ट्विट केले.

लोकांनी स्विगीवर बहिष्कार टाकण्याचे आवाहन केले :

ट्विटमध्ये लोकांनी फूड डिलिव्हरी कंपनी (Swiggy) वर बहिष्कार टाकण्याचे आवाहन केले आहे. इस्कॉनचे उपाध्यक्ष राधारमण दास यांनी कंपनीवर टीका केली आणि ट्विट केले की, "Swiggy ने हिंदूंना होळीबद्दल शिक्षित करण्यासाठी एक मोहीम सुरू केली.

याच कंपनीने काही ग्राहकांनी शाकाहारी पदार्थांची ऑर्डर दिली असताना त्यांनी शाकाहारी ग्राहकांना मांसाहारी पदार्थ पाठवले होते"

स्विगीने होळीचे होर्डिंग काढले :

एका नेटकाऱ्याने लिहिले की होळीला बदनाम करण्याचा स्विगीचा प्रयत्न अत्यंत अस्वीकार्य आहे. होळीचे बोर्ड तात्काळ हटविण्याची आमची मागणी आहे.

आपल्या असंवेदनशील वर्तनाबद्दल त्यांनी जाहीर माफी मागितली पाहिजे. वाद वाढत असताना आणि अनेक वापरकर्त्यांनी अॅप अन-इंस्टॉल केल्याने, स्विगीने होळीचे होर्डिंग काढण्याचा निर्णय घेतला.