WPI Inflation: महागाईने गाठला कळस! किरकोळ नंतर घाऊक महागाई देखील वाढली; काय आहे कारण?

WPI Inflation: सरकारने जाहीर केलेल्या आकडेवारीनुसार डिसेंबरमध्ये महागाईचा दर 0.74 टक्के होता. गेल्या वर्षी नोव्हेंबरमध्ये तो 0.26 टक्के होता. महागाई दर वाढण्याचे कारण अन्नधान्याच्या किंमतीत झालेली वाढ हे आहे.

घाऊक किंमत निर्देशांक (WPI) गेल्या वर्षी एप्रिल ते ऑक्टोबर 2023 पर्यंत नकारात्मक होता. नोव्हेंबरमध्ये तो 0.26 टक्के सकारात्मक झाला. डिसेंबरमध्‍ये अन्नधान्याच्या किंमती वाढून महागाई 9.38 टक्‍क्‍यांवर पोहोचली आहे, जी नोव्‍हेंबर 2023 मध्‍ये 8.18 टक्‍के होती.

यासोबतच डिसेंबर 2023 मध्ये घाऊक महागाईचा दर गेल्या 9 महिन्यांतील सर्वोच्च पातळीवर आहे. डिसेंबर महिन्यात खाद्यपदार्थांच्या महागाईव्यतिरिक्त इंधन आणि वीज आणि उत्पादनांच्या किंमतीत वाढ झाल्यामुळे घाऊक महागाई दरात वाढ झाली आहे. प्राथमिक वस्तूंच्या घाऊक किंमतीतही वाढ झाली आहे.

• डिसेंबर 2023 मध्ये खाद्यपदार्थांच्या घाऊक महागाईचा दर 4.69% वरून 5.39% इतका वाढला आहे.

• डिसेंबर 2023 मध्ये भाज्यांचा घाऊक महागाई दर 26.30% होता. याआधी म्हणजेच नोव्हेंबर महिन्यात हा आकडा 10.44% होता.

• डिसेंबर 2023 मध्ये बटाट्याचा घाऊक महागाई दर -24.08% होता, जो नोव्हेंबर 2023 मध्ये -27.22% होता.

• नोव्हेंबर महिन्यात कांद्याचा घाऊक महागाई दर 191.24% होता. पण आता डिसेंबर 2023 मध्ये तो 91.77% वर आला.

• याशिवाय डिसेंबर महिन्यात अंडी आणि मांसाचा घाऊक महागाई दर -0.84% ​​होता. नोव्हेंबर 2023 मध्ये तो 1.44% होता.

• डिसेंबर 2023 मध्ये इंधन आणि उर्जेसाठी घाऊक महागाई दर मासिक आधारावर -2.41% होता. तर नोव्हेंबर 2023 मध्ये तो -4.61% होता.

• डिसेंबर 2023 मध्ये उत्पादनांसाठी घाऊक महागाई दर -0.64% पर्यंत घसरला. तर नोव्हेंबर 2023 मध्ये तो -0.71% होता.