Startup Success Story: शिक्षण सोडले, 19व्या वर्षी 'किराणा स्टोअर' उघडून उभारली 7,300 कोटींची कंपनी

Zepto Success Story: ज्या वयात मुलं आपला वेळ मित्रांसोबत फिरण्यात, गप्पा मारण्यात आणि चित्रपट पाहण्यात घालवतात. त्या वयात या मुलाने करोडोंची कंपनी उभा केली. 19 वर्षाच्या मुलाने 7300 कोटींची कंपनी स्वतःच्या हिंमतीवर उभा केली आहे यावर तुमचा विश्वास बसणार नाही.

ज्या वयात तुम्ही तुमच्या कुटुंबीयांकडून पॉकेटमनी मागता, त्या वयात हा मुलगा 1200 कोटी कमावतोय. एका कल्पनेने कैवल्य वोहराचे नशीब बदलले.

कैवल्य हा ऑनलाइन किराणा डिलिव्हरी अॅप Zepto चा सह-संस्थापक आहेत. तो फक्त 19 वर्षांचा असताना त्याने झेप्टो सुरू केले.

19 व्या वर्षी कंपनी सुरु केली :

कैवल्य वोहरा हा मुंबईचा रहिवासी आहे. 2001 मध्ये जन्मलेल्या कैवल्यने सुरुवातीचे शिक्षण मुंबईत केले. संगणक अभियांत्रिकीचे शिक्षण पूर्ण करण्यासाठी तो अमेरिकेतील स्टॅनफोर्ड विद्यापीठात गेला, परंतु अभ्यासापेक्षा त्याला स्टार्टअप्समध्ये जास्त रस होता.

कैवल्यने वयाच्या 17 व्या वर्षी त्याचा मित्र आदित पालिचासोबत पहिला स्टार्टअप बिझीनेस सुरू केला. त्यांनी आपल्या स्टार्टअपचे नाव GoPool ठेवले. अभ्यासासोबतच कंपनी चालवणे अवघड होत होते, त्यामुळे तो अभ्यास सोडून मुंबईला परत आला.

झेप्टोची सुरुवात कशी झाली?

झेप्टो सुरू करण्याची कल्पनाही या दोघांना कॉलेजमध्ये असतानाच सुचली. जेव्हा तो कोणताही माल मागवायचा तेव्हा तो माल त्याच्यापर्यंत पोहोचायला किमान दोन दिवस लागायचे. यामुळे त्याला एक कंपनी सुरू करण्याची कल्पना सुचली जी काही तासांत माल पोहोचवेल.

त्यांनी 2021 मध्ये कोरोना काळात झेप्टोची सुरुवात केली. कंपनीची सुरुवात मुंबईतील 1,000 कर्मचारी आणि डिलिव्हरी एजंट्ससह करण्यात आली होती.

1 वर्षात 7,300 कोटींची कंपनी:

झेप्टोची सुरुवात कोरोना काळात झाली, त्यावेळी लोक घराबाहेर पडत नव्हते. त्याच्यासाठी ही मोठी संधी होती. त्याचा फायदाही त्याला झाला. एकाच महिन्यात त्याने 200 दशलक्ष कमावले. एका वर्षात कंपनीचे मूल्यांकन 900 दशलक्ष डॉलर म्हणजेच 7,300 कोटी झाले.

झेप्टोचे संस्थापक कैवल्य वोहरा याची एकूण संपत्ती 1,200 कोटींच्या पुढे गेली आहे. तो देशातील सर्वात तरुण श्रीमंत बनला आहे. हुरुन इंडिया रिच लिस्टमध्ये त्याचे नाव प्रथमच समाविष्ट करण्यात आले.

सुरुवातीला, झेप्टोला पहिल्या ग्राहकाला डिलिव्हरी करण्यासाठी 45 मिनिटांपर्यंत वेळ लागत असे, परंतु कैवल्यचा लक्षात आले की ज्या ग्राहकांना लवकर डिलिव्हरी मिळाली होती ते डिलिव्हरी सेवेबद्दल अधिक समाधानी होते आणि त्यांनी पुन्हा पुन्हा ऑर्डर दिल्या.

यासाठी त्यांनी झेप्टोमध्ये 10 मिनिटांत डिलिव्हरी ही संकल्पनाही राबवली. Blickint सह स्पर्धा करण्यासाठी, बिग बाजार आधीच बाजारात आहे, Zepto ला 10-मिनिटांत डिलिव्हरी योजनेची आवश्यकता होती. काही महिन्यांमध्ये कंपनीने बंपर नफा कमावला.

गेल्या एका वर्षात, कंपनीचे मूल्यांकन 50 टक्क्यांहून अधिक वाढले आहे. आज Zepto चे मूल्यांकन 7,300 कोटी रुपयांवर पोहोचले आहे. अलीकडेच, कंपनीने Y Combinator आणि Glad Brook Capital या स्टार्टअप्सकडून 60 दशलक्ष डॉलर निधी उभारला आहे.

सतत वाढत जाणारे नेटवर्क:

Zepto सध्या भारतातील 10 प्रमुख शहरांमध्ये कार्यरत आहे. कंपनी सतत आपले नेटवर्क वाढवत आहे. कंपनीत 1,000 हून अधिक कर्मचारी कार्यरत आहेत.

कंपनी आपल्या प्लॅटफॉर्मवर 3,000 हून अधिक उत्पादने वितरीत करते. कंपनीच्‍या जलद डिलिव्‍हरी सेवेमुळे, कंपनी केवळ बाजारात स्थिर नाही तर सतत नफा कमवत आहे.