Multibagger Stocks: 90 वर्ष जुन्या कंपनीने गुंतवणुकदारांना केले मालामाल, 25 रुपयांच्या शेअरने केले कोट्यधीश

Multibagger Stocks: 90 वर्षे जुनी मुंबईतील इन्व्हेस्टमेंट कंपनी इंडस्ट्रियल अँड प्रुडेंशियल इन्व्हेस्टमेंटच्या (Industrial and Prudential Investment) शेअर्सने आपल्या गुंतवणुकदारांना दमदार परतावा दिला आहे.

शेअर्समधील तेजी शिवाय डिव्हिडेंड देत त्यांनी आपल्या गुंतवणुकदारांना सोबत ठेवले आहे. सध्या हा शेअर 2,860.85 रुपयांवर ट्रेड करत आहे. कंपनीवर कोणतेही कर्ज नाही, ही मोठी जमेची बाजू आहे.

24 सप्टेंबर 2002 रोजी हे शेअर्स केवळ 25 रुपयांवर होते. आता ते 2860.85 रुपयांवर आहेत, म्हणजेच 21 वर्षात 1 लाखाचे 1.14 कोटी झाले. त्यांनी केवळ लाँग टर्मच नाही शॉर्ट टर्ममध्येही चांगला परतावा दिला आहे.

21 मार्च 2023 रोजी तो 1505.80 रुपयांवर होता. यानंतर शेअर्सची खरेदी वाढली आणि अवघ्या पाच महिन्यांत 14 ऑगस्ट 2023 रोजी तो 96 टक्क्यांनी 2,947.95 रुपयांवर गेला, जो याचा उच्चांक आहे, पण सध्या हा शेअर 3 टक्क्यांच्या सुटीवर मिळत आहे.

इंडस्ट्रियल आणि प्रुडेन्शियल इन्व्हेस्टमेंटने शेअर्सच्या झपाट्याने वाढीमुळे गुंतवणूकदारांना कोट्यधीश तर बनवले आहेच, पण डिव्हिडंडनेही त्यांना चांगली कमाई केली आहे. 2003 पासून, ते दरवर्षी गुंतवणूकदारांना डिव्हिडेंड देतात.

2019, 2020 आणि 2021 मध्ये गेल्या पाच वर्षांच्या बाबतीत बोलायचे झाले तर 25-25 रुपये प्रति शेअर डिव्हिडेंड दिला आहे. त्यानंतर 2022 मध्ये प्रति शेअर 50 रुपये डिव्हिडेंड दिला आणि आता या वर्षी 60 रुपये डिव्हिडेंड देणार आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.