Share Market Opening Latest Update 22 September 2023: आठवड्याच्या शेवटच्या व्यवहाराच्या दिवशी शेअर बाजारात किंचीत वाढ दिसून येत आहे. BSE सेन्सेक्स 66,300 आणि निफ्टी 19,750 च्या पातळीवर व्यवहार करत आहे. शेअर बाजारात सरकारी बँकिंग क्षेत्रात जोरदार खरेदी होत आहे.
NSE वर PSU बँक निर्देशांक 3% वाढला. याशिवाय मेटल आणि ऑटो रियल्टी क्षेत्रातही खरेदी होत आहे. तर आयटी शेअर्सवर दबाव आहे.
देशांतर्गत बाजारातील घसरण सोमवारपासून सुरूच आहे. सोमवारी बाजारातील सलग 11 दिवसांच्या वाढीला ब्रेक लागला. त्यानंतर मंगळवारी गणेश चतुर्थीनिमित्त शेअर बाजार बंद होता. बुधवारीही बाजारात घसरण दिसून आली.
गुरुवारी सलग तिसऱ्या दिवशी बाजारात घसरण होती. गुरुवारी बीएसई सेन्सेक्स 570.60 अंकांनी किंवा 0.85 टक्क्यांनी घसरला आणि 66,230.24 अंकांवर बंद झाला. निफ्टीही 19,900 अंकांच्या जवळ बंद झाला.
सेन्सेक्सवर 'या' शेअर्समध्ये घसरण
विप्रो, महिंद्रा अँड महिंद्रा, इन्फोसिस, टाटा स्टील, टेक महिंद्रा, एचसीएल टेक, सन फार्मा, आयसीआयसीआय बँक, अॅक्सिस बँक, टायटन, पॉवरग्रिड, नेस्ले इंडिया, एनटीपीसी, टीसीएस, हिंदुस्तान युनिलिव्हर लिमिटेड, भारती एअरटेल आणि अल्ट्राटेक सिमेंटचे शेअर्स घसरणीसह व्यवहार करत आहेत.
सेन्सेक्सवर 'या' शेअर्समध्ये तेजी
सेन्सेक्सवर एसबीआय, कोटक महिंद्रा बँक, बजाज फायनान्स, बजाज फिनसर्व्ह, एचडीएफसी बँक, जेएसडब्ल्यू स्टील, इंडसइंड बँक. मारुती, लार्सन अँड टुब्रो आणि रिलायन्स इंडस्ट्रीजचे शेअर्स तेजीसह व्यवहार करत आहेत.
NSE IX वर, GIFT निफ्टी 30.5 अंकांच्या किंवा 0.16 टक्क्यांच्या वाढीसह 19,692.50 अंकांवर व्यवहार करत होता. यावरून दलाल स्ट्रीटची सुरुवात सकारात्मक होऊ शकते, असे संकेत मिळत होते. मात्र सुरुवातीच्या सत्रात सेन्सेक्स 15 अंकांच्या घसरणीसह व्यवहार करत होता. निफ्टी 19,755 अंकांच्या खाली व्यवहार करत होता.
जागतिक बाजारपेठांची स्थिती
बुधवारी अमेरिकन बाजारात घसरण झाली. डाऊ जोन्स इंडस्ट्रियल एव्हरेज 1.08 टक्क्यांनी खाली आले. तर नॅस्डॅक कंपोझिट इंडेक्समध्ये 1.82 टक्के आणि S&P 500 इंडेक्समध्ये 1.64 टक्के घसरण दिसून आली.
आशियाई बाजारात संमिश्र कल दिसून येत आहे. दिवसभराच्या व्यवहारात जपानचा निक्केई 0.87 टक्क्यांनी घसरला आहे, तर हाँगकाँगचा हँग सेंग 1.21 टक्क्यांनी वाढला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.