UAE Oil News: UAE ने OPEC ला दिला धक्का! 50 वर्षांनंतर बाहेर पडण्याचा निर्णय; जागतिक आणि भारतीय तेल बाजारावर काय होणार परिणाम?

UAE Exit From OPEC: पश्चिम आशियात सुरू असलेल्या तणावाच्या काळातच जागतिक तेल बाजारात मोठी खळबळ उडवणारा निर्णय घेत संयुक्त अरब अमिरात (UAE) देशाने OPEC या तेल उत्पादक देशांच्या संघटनांमधून बाहेर पडण्याची घोषणा केली आहे. 1 मेपासून हा निर्णय लागू होणार असून, यामुळे आंतरराष्ट्रीय कच्च्या तेलाच्या बाजारात याचा मोठा परिणाम होण्याची शक्यता व्यक्त केली जात आहे. त्यामुळे इराण-अमेरिका संघर्षामुळे आधीच पश्चिम आशियात तणावाचे वातावरण असताना UAE च्या या निर्णयाने जागतिक अर्थव्यवस्था, तेलाचे दर आणि OPEC चे भवितव्य यावर चर्चा सुरू झाली आहे.