Form 16 Income Tax: फॉर्म 16 हे एक प्रमाणपत्र आहे, जे इन्कम टॅक्स कायद्याच्या कलम २०३ अंतर्गत दिलं जातं. कर्मचाऱ्याच्या पगारातून टीडीएस अर्थात कर कापल्यानंतर तो इन्कम टॅक्स विभागाकडं जमा केला जातो. हा कापलेला टीडीएस आणि कर्मचाऱ्याला मिळणारा पगार याची सविस्तर माहिती या फॉर्म १६ मध्ये दिलेली असते. कंपनीकडून दरवर्षी १५ जूनपूर्वी कर्मचाऱ्यांना फॉर्म १६ दिला जातो. पगारदार व्यक्तींसाठी आयकर रिटर्न भरण्यासाठी हा फॉर्म 16 खूप महत्त्वाची भूमिका बजावतो.
