ढिंग टांग : देशभर खुशी की लहर...

एक तारखेला आम्ही जागे झालो तेच फटाक्याच्या आवाजाने. कुणीतरी ऐन जिन्यात डांबरी माळ लावली होती. घाबरून आम्ही न्हाणीघराकडे धावलो. टावेल खेचून बाहेर डोकावून पाहिले तो काय! घरोघरी कंदिल पेटलेले होते. दारोदारी रांगोळ्या काढल्या होत्या. नवनवीन पोशाख करुन जनलोक हास्यविनोदात रममाण झाले होते. आणखी थोडे डोके खिडकीबाहेर काढून आम्ही शेजारच्या नानांना विचारले, ‘‘का हो, नाना, कसला उत्सव?’’