The latest Dhing Tang column highlights the Hindi speech controversy and Marathi identity with sharp political satire and humorous dialogue.
Sakal
दादू : (सहज फोन फिरवत) म्यांव म्यांव...म्यांव म्यांव..!
सदू : (घुश्शात) ओळखला मी आवाज! दादूराया, दरवेळी तेच तेच टोमणे मारल्यासारखा तोच तोच मांजराचा आवाज काढू नकोस!
दादू : (डोळे मिचकावत) गंमत किया रे!! तुमच्या दादरमध्ये पाऊस काय म्हणतोय?
सदू : (शांतपणे) तुमच्या बांदऱ्यात पडतोय तेवढाच! तुम्हारा क्या चल रहा है?
दादू : (खुशाली सांगत) मज्जेत! वर्क फ्रॉम होम जारी है!!
सदू : (खास चौकस सुरात) झाली का रामरक्षा पाठ? परवा आंदोलनात धड वाचलीसुद्धा नाहीस!!
दादू : (ठणकावून) मला रामरक्षा तोंडपाठ येते!! पण मी ती तुमच्यासमोर का म्हणू? नाहीच म्हणणार? किंबहुना, नाही म्हंजे नाहीच म्हणणार! तुम्ही कोण मला रामरक्षा म्हणायला लावणारे?
