Political Satire: 'Dhing Tang' Column Humorously Exposes MLA Attendance Ratios
Sakal
स्थळ : मातोश्री हाइट्स, वांद्रे सोसायटी. वेळ : टाळण्याजोगीच!
चि. विक्रमादित्य : (खोलीचे दार टकटकवत) हाय देअर बॅब्स...मे आय कम इन?
उधोजीसाहेब : (आतूनच) नोप! उद्या या!! आज माझी सुट्टी आहे...
विक्रमादित्य : (तरीही खोलीचे दार ढकलून आत शिरत) अतिशय इंपॉर्टंट पॉइण्ट डिस्कस करायचा आहे! अर्जंटली!! वी मस्ट टॉक..!
उधोजीसाहेब : (अंथरुणाची आवराआवर करत) अर्जंट असेल तर उद्या या, काहीतरी किरकोळ असेल, तरच आत्ता वेळ देऊ शकेन!! महत्त्वाची अर्जंट कामं नेहमी वेळ घेऊन करावीत!
विक्रमादित्य : (हातातलं रिपोर्ट कार्ड फडकवत) बॅब्स, हे काय आहे?
उधोजीसाहेब : (मख्खपणाने) पुठ्ठा!
