ढिंग टांग : विघ्नहर्त्या, तुझे स्वागत...!

ब्रिटिश नंदी
Saturday, 22 August 2020

कितीयेकांचा श्वास कोंडिला।
कितीयेकांचा जीव गेला।
कितीयेकांचा ग्रंथ आटोपिला।
कितीयेक मृत्यू।।

येक य:कश्‍चित विषाणू। 
तेणे व्यापिला अणूरेणू।
कंठाशी आणिला प्राणु। 
सर्वनाशु।।

आधी वंदू गणाधीश। 
जो सर्वभूतांचा ईश।
जेणे सुफळ होईल मिष। 
सकळांचेनि।।

या भूमंडळाचे ठायी।
येकवटले संकट काई।
जेणे विटंबिली ध्याई। 
आजारले विश्व हे।।

विश्वालागी मृत्यूचे तांडव। 
देखतां गळाठिला मानव।
ज्यापुढे असुर दानव। 
फिकेचि होती।।

ताज्या बातम्यांसाठी डाऊनलोड करा ई-सकाळचे ऍप 

कितीयेकांचा श्वास कोंडिला।
कितीयेकांचा जीव गेला।
कितीयेकांचा ग्रंथ आटोपिला।
कितीयेक मृत्यू।।

येक य:कश्‍चित विषाणू। 
तेणे व्यापिला अणूरेणू।
कंठाशी आणिला प्राणु। 
सर्वनाशु।।

सर्व शास्त्रवेत्ते नेते। 
विश्वगाडा नेती पुढते।
त्यालागी घाली मोडतें। 
विषाणू कैंचा।।
महाज्ञानी वैज्ञानिक । 
अवघेचि चर्चक चिंतक।
नाना तऱ्हेचे वैचारिक। 
गोंधळां आले।।

काळजाने सोडिला ठाव। 
उजाड जाले गाव गाव।
जिवाला नुरला भाव। 
मौत सस्ती जाहली।।

हे गणेशा, तू भक्ती घेऊन ये, जीवनावर उजेडाची फुले उधळत ये

विघ्नात विघ्न मिसळले। 
जै कालकूट निर्मियले।
विश्वामाजी कालवले। 
संहार जाला ।।

जै मुंगीयांचे पुंजके। 
कल्लोळिती वारुळीं सुखे।
तयांवरी शिंपली जंतुनाशके। 
तैसे जाले मानवाचे।।

शववाहिका धावती रस्त्यावर। 
इस्पितळांची भरली कॉरिडॉर।
रुग्णाईतांचा गुणाकार। 
दिसामाजी होतसे।।

गणनायका तू विश्वंभर ।
का रे होसी कठोर।
नच फुटे हृदयासी पाझर। 
का न काई।।

ही कैसी ओढविली प्राणबाधा।
पंचभूतांची उडाली त्रेधा।
ही कोठलिया आपराधा।
शिक्षा देसी आम्हाला।।

तुझिया नामाचा डांगोरा।
पिटतो आम्ही जोरजोरा।
आणि तुचि पाठमोरा।
ऐसे कैसे चालेल।।

विघ्नहर्त्या, तुझे स्वागत।
ऐकोनि घ्यावे मनोगत।
हात जोडोनी तुझ्याप्रत।
मागणे आहे।।
मिटव हे जीविताचे ग्रहण।
जगो नित्य माणूसपण।
पुरे जाहले अता मरण।
आम्हालागीं।।


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Dhing tang article about ganeshotsav