ढिंग टांग : हर घर सिलेंडर..!

स्थळ : मातोश्री हाइट्स, वांद्रे सोसायटी. वेळ : सकाळची!

चि. विक्रमादित्य : (खोलीचे दार ठोठावत) हाय देअर बॅब्स...मे आय कम इन?

उधोजीसाहेब : (ओरडत) मी खोलीत नाहीए!

विक्रमादित्य : (आत शिरत) कमॉन बॅब्स, मला एका इंपॉर्टंट क्रायसिसवर डिस्कस करायचं होतं!

उधोजीसाहेब : (श्वास सोडून) परवानगीशिवाय आत येऊ नयेऽ...पण बोल आता!

विक्रमादित्य : (चिंतेच्या सुरात) खूप मोठा प्रॉब्लेम झालाय! मला वाटतं आपण काहीतरी केलं पाहिजे! इराण आणि अमेरिकेचं वॉर थांबायचं नाव घेत नाही!