ढिंग टांग : कोई मिल गया...!

स्थळ : मातोश्री हाइट्स, वांद्रे बुद्रुक. वेळ : निजानीज.चि. विक्रमादित्य : (दारावर टकटक करत) हाय देअर, बॅब्स…मे आय कम इन?उधोजीसाहेब : (आतून) मराठीत बोला! विक्रमादित्य : (बंद दाराआडूनच) मी मराठीतच दार ठोठावलं! टकटक हा शब्द मराठी आहे, इंग्लिशमध्ये नॉक नॉक म्हणतात!! उधोजीसाहेब : (कळवळून) उद्या भेटा! ही सभ्य माणसांची झोपायची वेळ आहे! गुडनाइट….आय मीन शुभरात्री! .विक्रमादित्य : (दार ढकलून आत येत) कमॉन बॅब्स…इज इट टाइम टु स्लीप? मला एक ब्रेकिंग न्यूज द्यायची आहे…उधोजीसाहेब : (अजीजीनं) नको रे!विक्रमादित्य : (उत्साहाने) मी कुणाला भेटलो असेन ओळखा पाहू?उधोजीसाहेब : (थंडपणाने) देवेंद्रकाकांना!विक्रमादित्य : (हिरमुसत) कमॉन…घरात बसून तुम्हाला कसं कळलं?उधोजीसाहेब : टीव्हीवर संध्याकाळपासून दाखवतायत!.विक्रमादित्य : (चकित होत) काय दाखवतायत?उधोजीसाहेब : (खुलासेवार सांगत) हेच की आपल्या घराजवळच्याच कुठल्याश्या पंचतारांकित हाटेलात देवेंद्रकाकांच्या गाड्यांचा ताफा आला! पाठोपाठ तुझी गाडी आली!!विक्रमादित्य : (आमीरखानच्या पोझमध्ये) हांऽ…यहां एडिटिंग में कुछ प्रॉब्लम हो गई है! ॲक्चुअली गाड्यांचा ताफा माझा होता, मागाहून दुसरी गाडी आली…उधोजीसाहेब : (दुर्लक्ष करत) तुम्ही दोघांनीही तासभर बंद दाराआड मीटिंग केली, आणि चिक्कार जेवलात!विक्रमादित्य : (च्याटंच्याट पडत) जेवलो? छे!!.उधोजीसाहेब : (ब्रेकिंग न्यूज कंटिन्यू…) त्यामुळे ठाण्यातून कुणीतरी दाढीवाला मनुष्य महाबळेश्चरनजीकच्या दरे गावात निघून जाण्यासाठी ब्यागा भरायला लागला वगैरे! शिवाजी पार्कमध्ये अचानक एका घरातले दिवे विझले, आणि शांतता पसरली!! असं बरंच काही झालं म्हणे!!विक्रमादित्य : (गाल फुगवून) त्यांनी तुम्हाला ऑफर दिलीये ना?उधोजीसाहेब : (खांदे उडवत) मला खूप ऑफर्स आहेत! (स्वत:शीच) परवा माहीमच्या बाजारात पापलेटसुध्दा मला हाफ रेटमध्ये मिळत होता! मी घेतला नाही, मी त्यांना विचारलं, आधी पापलेटाचं मराठी नाव सांगा!!विक्रमादित्य : (कुरकुरत) पापलेटाला मराठीत पापलेटच म्हणतात!उधोजीसाहेब : (बाणेदारपणाने) चूक!.विक्रमादित्य : (कुरकूर कंटिन्यू…) मी एवढी गुप्त मीटिंग केली, तुम्हाला काही कौतुकच नाही! कुणीतरी आयुष्यात पहिल्यांदाच मला गुप्तपणे भेटत होतं…उधोजीसाहेब : (त्वेषानं) आपण मराठी माणसं…जे काही करावं, ते दिवसाढवळ्या खुलेपणानं करावं! तुझ्या शिवाजी पार्कच्या काकांना वीस वर्षांनी भर माध्यान्ही भेटलो की नाही? जा आता झोपायला!विक्रमादित्य : (थंडपणाने) मी अजून ब्रेकिंग न्यूज दिलेलीच नाही!उधोजीसाहेब : (डोक्यावरुन पांघरुण घेत) उद्या द्या!विक्रमादित्य : मी त्या हॉटेलमध्ये डिनरला गेलो होतो! मी कुणालाही भेटलो नाही नि काही नाही! देवेंद्रकाका मला दिसलेसुध्दा नाहीत… कसली ब्रेकिंग न्यूज आणि कसलं काय!!.उधोजीसाहेब : खरंच की काय? मग मीसुध्दा परवा त्यांना भेटलो नाही! माझी आणि त्यांची साधी ओळखही नाही! ओके?विक्रमादित्य : (जीभ काढून हसत) ऐकेल कुणी! मग एवढं आहे तर तुम्ही भेट झाल्याचं नाकारलं का नाही?उधोजीसाहेब : (पोलिटिकल सल्ला देत) अशा ब्रेकिंग न्यूज कधीही नाकारायच्या नाहीत! का विचार?विक्रमादित्य : (अनिच्छेनं) व्हाय? आय मीन का?उधोजीसाहेब : (कावेबाज चेहरा करत) आपण कोणालाही गपचूप भेटलो, अशा बातम्या आल्या की महाराष्ट्रात किमान अर्धा डझन लोकांच्या पोटात गोळा येतो! ते ठाण्याचे गद्दार तर दरे गावातच निघून जातात! तेवढीच मज्जा!! काय? गुडनाईट!!.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

ढिंग टांग : कोई मिल गया...!

Related Stories