dhing tang
sakal
स्थळ : अज्ञात. वेळ : मध्यरात्री वेषांतराची. पात्रे : तीन!
दादासाहेब : (अंधाऱ्या रिकाम्या खोलीत प्रवेश करत) कुणी आहे हितं, की मीच पहिला?
भाईसाहेब : (अंधारातून) मी आधीच येऊन बसलोय! या की आत!!
दादासाहेब : (खुर्चीत स्थानापन्न होत) अर्जंट मीटिंग लावली म्हणून आलो, नाहीतर मला एका शिबिराला जायचंय उद्या सकाळी!
भाईसाहेब : (च्युइंगम चघळत) मी तर एका शिबिराहून आलो, आणि आपली मीटिंग झाली की लग्गेच दुसऱ्या शिबिराला पळणार! उद्याच्या दिवसभरात तर डझनभर आरोग्य शिबिरं आहेत!
दादासाहेब : (हात झटकत) कशापायी इतकं रक्त आटवताय?