प्रशांत ननावरे - nanawareprashant@gmail.com
समाजात एक वर्ग कायम असा असतो, जो खिशाला परवडेल अशा खाण्याच्या जागेच्या शोधात असतो. खाण्यावर पैसे खर्च करण्याची त्यांची तयारी नसते असं नाही, मात्र आपण खर्च करत असलेली रक्कम पदार्थाला न्याय देणारी असावी, विनाकारण झगमगाटासाठी जास्तीचे पैसे आकारले जाता कामा नये, एवढीच त्यांची माफक अपेक्षा असते. ग्राहकांप्रमाणेच काही हॉटेल व्यावसायिकसुद्धा याच तत्त्वाने चालत असतात. त्यातीलच एक म्हणजे मुंबईच्या फोर्ट परिसरातील कावसजी पटेल रस्त्यावरील ‘पंजाबी मोती हलवाई’.