Karad fraud Case: कऱ्हाडला एकाची ४२ लाखांची फसवणूक; शहर पोलिसात गुन्हा, शेअर बाजारमधील नफ्याचे दाखवले आमिष, व्हॉटस्अ‍ॅप कॉलद्वारे प्रकार!

कऱ्हाड: समाज माध्यमांसह अवैध शेअर बाजार अॅपच्या माध्यमातून शहरातील एका नोकरदाराची तब्बल ४२ लाख ३५ हजारांची ऑनलाइन फसवणूक झाली. त्याबाबत भरत काकडे (रा. सैदापूर) यांनी शहर पोलिसात फिर्याद दिली आहे. त्यावरून गुन्हा दाखल झाला आहे. .Pune News: कर्तव्याचा 'राजेशाही' सन्मान! ३६ वर्षे साहेबांची गाडी चालवणाऱ्या चालकाला प्रकल्प अधिकाऱ्यांनी स्वतः गाडी चालवत घरी सोडलं.पोलिसांनी दिलेल्या माहितीनुसार, सैदापूर येथील भरत काकडे तासवडे एमआयडीसीतील कंपनीत नोकरीस आहेत. आठ डिसेंबर २०२५ मध्ये समाज माध्यमाद्वारे अनाेळखी व्यक्तीने त्यांच्याशी संपर्क साधत शेअर बाजारातील गुंतवणुकीत नफा मिळवून देण्याचे आमिष दाखवले. त्यानंतर युविका सान्याल असे नाव सांगणाऱ्या महिलेने लिंक पाठवून एका समाज माध्यमाच्या ग्रुपमध्ये त्यांना जोडले. .त्यात १५० पेक्षा अधिक सदस्य होते. दररोज मोठ्या नफ्याचे स्क्रीनशॉट त्यात शेअर केले जात होते. २० डिसेंबरला व्हॉटस्अॅप कॉलद्वारे शेअरमध्ये गुंतवणूक केल्यास मोठा नफा मिळेल. मात्र, त्यासाठी २० टक्के कमिशन द्यावे लागेल, असे सांगण्यात आले. पॅनकार्डची माहिती घेतल्यानंतर एक अॅप डाऊनलोड करून खाते सुरू करण्यास सांगण्यात आले. त्यानंतर वेगवेगळ्या बँक खात्यांवर पैसे भरण्याचे निर्देश दिले. .त्यानुसार काकडे यांना सुरुवातीला ९९ हजार, त्यानंतर ५० हजार, त्यानंतर सव्वालाख व सव्वादोन लाख अशा रकमा भरायला लावल्या. अॅपमध्ये नफा दाखवून विश्वास संपादन केला. पुढे आणखी एक अॅप डाऊनलोड करण्यास भाग पाडले. आठ जानेवारीपर्यंत वेगवेगळ्या पर्यायाने ऑनलाइनद्वारे पैसे पाठवण्यात आले. .सोलापूरला बुलेट ट्रेनचे ऐतिहासिक गिफ्ट! पुणे एक तासात, हैदराबाद सव्वा, तर मुंबई अडीच तासांत गाठणे होणार शक्य...त्याप्रकारे काकडे यांच्याकडून एकूण ४२ लाख ३५ हजार रुपये संशयितांनी त्याच्याकडून उकळले. १३ जानेवारीला त्यांनी नफा दाखविलेली रक्कम काढण्याचा प्रयत्न केला. त्यावेळी त्यास नकार देत त्यांच्याशी संपर्क तोडण्यात आला. फसवणूक झाल्याचे लक्षात येताच काकडे यांनी सायबर हेल्पलाइनवर तक्रार नोंदवली. शहर पोलिस ठाण्यातही फिर्याद दिली. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.