मटण खायला देत नसल्याने मुलाकडून वडिलांचा निर्घृण खून
काही कळण्याच्या आता मुलाने वडिलांच्या डोक्यात कुऱ्हाडीने वार करून त्यांचा खून केला.
दहिवडी (सातारा) : कासारवाडी (ता. माण) येथे मटण का खायला घालत नाही, या कारणावरून मुलाने वडिलांवर कुऱ्हाडीने वार करून वडिलांचा निर्घृण खून केला. या घटनेने समाजमन सुन्न झाले आहे.
याबाबतची माहिती अशी, कासारवाडी (Kasarwadi Maan Taluka) गावच्या हद्दीत भंडारदरा मळवी नावाच्या शिवारात पांडुरंग बाबूराव सस्ते (वय ७०) हे आपल्या कुटुंबीयांसह शेतातील घरात राहतात. काल सायंकाळी पावणेपाचच्या सुमारास पांडुरंग सस्ते यांचा धाकटा मुलगा नटराज पांडुरंग सस्ते (वय २९) याने वडिलांना तुम्ही मला मटण का खायला घालत नाही, असे म्हणत भांडण करण्यास सुरुवात केली. काही कळण्याच्या आता त्याने वडिलांच्या डोक्यात व मानेवर कुऱ्हाडीने वार करून त्यांचा खून केला.
घटनेची माहिती मिळताच सहायक पोलिस निरीक्षक संतोष तासगावकर यांनी घटनास्थळी धाव घेतली. तत्काळ संशयिताला ताब्यात घेऊन अटक करण्यात आली. शवविच्छेदन केल्यानंतर शनिवार सकाळी पांडुरंग सस्ते यांच्यावर अंत्यसंस्कार करण्यात आले. चतुराबाई पांडुरंग सस्ते यांनी याबाबतची तक्रार दहिवडी पोलिस ठाण्यात (Dahiwadi Police Station) दिली आहे. पोलिस उपनिरीक्षक डी. डी. तुपे हे अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.