Satara: Fake beneficiaries found in Labour Welfare Scheme; agents behind massive scam exposed.Sakal
सातारा
धक्कादायक प्रकार उघड! 'कामगार कल्याण योजनेतही बोगस लाभार्थी': सातारा जिल्ह्यात दलालांचा सुळसुळाट
Middlemen Exploit Labour Scheme in Satara : ग्रामीण भागातील गावोगावी हाताच्या बोटावर मोजता येतील, एवढेही बांधकाम कामगार आढळत नसताना जिल्ह्यातील अनेक गावांतून या योजनेचा लाभ घेण्यासाठी शेकडो अर्ज दाखल करण्याची स्पर्धाच या बनावट बांधकाम कामगार लाडक्या बहिणी व दाजींमध्ये लागलेली पाहायला मिळत आहे.
-पांडुरंग बर्गे/ भाऊसाहेब जंगम
कोरेगाव/हुमगाव : राज्य शासनाच्या मुख्यमंत्री माझी लाडकी बहीण योजनेत ज्याप्रमाणे सधन व सक्षम महिला लाभार्थींची घुसखोरी झाली. तशीच आता महाराष्ट्र इमारत व इतर बांधकाम कामगार कल्याणकारी मंडळाच्या योजनेमध्ये बांधकाम क्षेत्राशी दुरान्वयानेही संबंध नसलेले वा कधी येणार नाही, अशा बोगस हजारो पुरुष आणि महिलांनी घुसखोरी केली आहे. यातील गंभीर बाब म्हणजे ही योजना मिळवून देतो, म्हणून तब्बल ५०० ते दहा हजार रुपये उकळणाऱ्या दलालांची साखळी निर्माण झालेली असून, त्यांना मंडळातील काही कर्मचाऱ्यांचीही साथ असल्याचे बोलले जात आहे.