Khambatki Ghat : पुणे-बंगळुर महामार्गावरील खंबाटकी घाटात मोठी वाहतूक कोंडी; दिवाळीच्या सलग सुट्ट्यांमुळे मार्गात अडथळा

खंडाळा : दिवाळीच्या (Diwali) सलग सुट्ट्यांमुळे आज सकाळी सात वाजल्यापासून सातारा बाजूकडे जाणाऱ्या पुणे-बंगळुर महामार्गावरील खंबाटकी घाट (Khambatki Ghat) जाम झाला आहे. तर, पुण्याकडे वाहतूक सुरळीतपणे धिम्या गतीने सुरु आहे.

दिवाळी सुट्टीमुळे चाकरमानी आपल्या घरी जात असल्याने या रस्त्यावर वाहनांची संख्या अधिक आहे. यातच घाट माथ्यावर भैरवनाथ मंदिराजवळ ट्रक बंद पडल्यामुळे आणि इथेच दोन लेन असल्याने वाहनांची कोंडी झालीये.

यावेळी वाहतूक पोलिस जाधव, लोणार, तात्या फरांदे व डेरे हे घाटात थांबून वाहतूक सुरळीत करीत आहेत. तर, काहींनी सेवा रस्त्यावर आपली वाहने वळविल्याने घाटच्या पायथ्याला वाहनांची मोठी कोंडी झाली आहे.