ऐतिहासिक निर्णय! सातारा जिल्ह्यातील धोम धरणग्रस्त २९ गावांना मोठा दिलासा; पुनर्वसनाच्या नागरी सुविधांचा प्रश्न मार्गी

सातारा: धोम धरणाच्या बँक वॉटर परिसरात वर सरकून वसलेल्या २९ गावांतील हजारो धरणग्रस्त नागरिकांच्या अनेक दशकांपासून प्रलंबित असलेल्या पुनर्वसनाच्या नागरी सुविधांचा प्रश्न अखेर मार्गी लागण्याच्या दिशेने महत्त्वाचे पाऊल पडले आहे. राज्याचे मदत व पुनर्वसन मंत्री मकरंद पाटील यांनी या प्रश्नाची गांभीर्याने दखल घेत विभागीय आयुक्त (पुणे) आणि सातारा जिल्हाधिकाऱ्यांना तातडीने प्रस्ताव सादर करण्याचे निर्देश दिले आहेत.