Khambatki Ghat : पुणे-बंगळूर महामार्गावरील खंबाटकी घाटात तब्बल चार तास वाहतूक खोळंबली; काय आहे कारण?

खंडाळा : आज (शुक्रवार) सकाळपासून खंबाटकी घाटातील (Khambatki Ghat) दत्त मंदिराजवळ ट्रक बंद पडल्यामुळे सातारा बाजूकडे जाणारी वाहतूक चार तास खोळंबली होती.

याबाबत मिळालेली माहिती अशी, गुरुवारी रात्री एक वाजता घाटातील सहाव्या वळणावर दत्त मंदिराजवळ एक ट्रक बंद पडला. या ठिकाणी दोनच लेन असल्यामुळं व गाड्यांची संख्या रस्त्यावर जास्त असल्याने या ठिकाणी वाहतूक कोंड निर्माण झाली.

त्यावेळी महामार्ग व ट्राफिक पोलिसांनी सकाळी सात वाजल्यापासून ते दहा वाजेपर्यंत बोगदा मार्गे वळविण्यात आली. यानंतर बंद पडलेला ट्रक बाजूला केल्यामुळे पोलिसांनी सध्या वाहतूक नियंत्रण आणली आहे. दरम्यान, धनगर आरक्षणासाठी आज महामार्ग रोखला जाण्याचीही शक्यता आहे.