Satara : महाराष्ट्रात राष्ट्रपती राजवट लागु झालीच पाहिजे; बाळासाहेब थोरात

कऱ्हाड - महाराष्ट्र राज्यात ज्या पध्दतीने भाजपने सरकार बनवले आहे, ज्या पध्दतीने राज्याचा कारभार सरकारकडुन चालला आहे आणि ज्या पध्दतीने सर्व विभागात भ्रष्टाचार सुरु झाला आहे त्यामुळे सहाजीकच राज्यात सर्वसामान्यांनाही राष्ट्रपती राजवट लागु झाली पाहिजे असे वाटत आहे. त्यामुळे कॉंग्रेस म्हणुन आम्ही राष्ट्रपती राजवट लागु करण्याची मागणी केली आहे, असे स्पष्ट मत माजी महसुलमंत्री आमदार बाळासाहेब थोरात यांनी व्यक्त केले.

कऱ्हाड (जि.सातारा) दौऱ्यावर आले असता ते माध्यमांशी बोलत होते. ते म्हणाले, भाजपने आम्ही राष्ट्रवादी कॉंग्रेसबरोबर जाणार नाही असे भाजपने अनेकदा जाहीर केले होते. मात्र अनेकवेळा जे त्यांनी जाहीर केले त्याच्या उलटेच ते वागले आहेत.

राज्याचा कारभारही असाच सुरु आहे. त्यामुळे कॉंग्रेस पक्ष म्हणुन आम्ही राज्यात राष्ट्रपती राजवट लागु करावी अशी मागणी केली आहे. ते म्हणाले, कॉंग्रेसला आता विरोधीपक्षपद मिळेल असे. मात्र ते कोणाला द्यायचे याचा निर्णय कॉंग्रेसचे श्रेष्ठी घेतील. कॉंग्रेसचा एकही आमदार फुटणार नाही. विधानसभा आणि लोकसभेला निवडणुकीला एकजुटीने सामोरे जावुन कॉंग्रेस पक्ष राज्यात नंबर एकवर आम्ही आणु.

विलासकाकांचे कॉंग्रेससाठी मोठे योगदान

जेष्ठ नेते विलासराव पाटील उंडाळकर यांचे नेतृत्व मी अनेक वर्षे पाहिले आहे, असे सांगुण आमदार थोरात म्हणाले, काकां अत्यंत स्पष्टवक्ते होते. कोणतीही गोष्ट करताना चांगल्या पध्दतीने झाले पाहिजे असे त्यांचे तत्व होते.

कॉंग्रेस पक्षासाठी भक्कम विचार मांडुन त्यादृष्टीने वाटचाल करणारे ते व्यक्तीमत्व होते. त्यांचे पक्षासाठी मोठे योगदान होते. कॉग्रेस पक्षाच्या संदर्भात राज्यात जेव्हा चर्चा होते त्यावेळी विलासकाकांचे नाव कायम अग्रक्रमाने घेतले जाते. त्यांच्या जयंतीदिनी मी आवर्जुन अभिवादनासाठी आलो.