जावळीतील गावांचा पाणीप्रश्‍न सोडवण्यासाठी बोंडारवाडी धरण प्रकल्प मार्गी लावणार : शिवेंद्रसिंहराजे

सातारा : जावळीतील गावांचा पाणीप्रश्‍न सोडवण्यासाठी बोंडारवाडी धरण प्रकल्प मार्गी लागणे आवश्‍यक असून, या प्रकल्पाला पाणी आरक्षण मंजुरी मिळाली आहे. आगामी काळात शासनस्तरावर पाठपुरावा करून कोणत्याही परिस्थितीत बोंडारवाडी प्रकल्प मार्गी लावू, असे आश्‍वासन आमदार शिवेंद्रसिंहराजे भोसले यांनी बोंडारवाडी धरण निर्माण समितीच्या पदाधिकाऱ्यांना दिला. 

जावळी तालुक्‍यातील गावांच्या पाणीप्रश्‍नासाठी ग्रामस्थांनी बोंडारवाडी धरण निर्माण समितीची स्थापना केली आहे. या समितीच्या पदाधिकाऱ्यांनी आमदार शिवेंद्रसिंहराजे यांची भेट घेऊन बोंडारवाडी धरण प्रकल्पाबाबत चर्चा केली. या वेळी रामभाऊ शेलार, मोहनराव कासुर्डे, जिल्हा परिषद सदस्या अर्चना रांजणे, पंचायत समिती सदस्य विजय सुतार, कांताताई सुतार, प्रवीण महाराज शेलार यांच्यासह काळोशी, निझरे, करंजे, आंबेघर, आसनी गावांतील पदाधिकारी आणि ग्रामस्थ उपस्थित होते. 

गंभीर परिस्थिती! साताऱ्यात रक्ताचा तुटवडा; जिल्ह्याला दररोज 100 बाटल्यांची गरज

या वेळी शिवेंद्रसिंहराजे म्हणाले, "नुकत्याच झालेल्या अधिवेशनादरम्यान उपमुख्यमंत्री अजित पवार यांनी यासंदर्भात संबंधित अधिकाऱ्यांची बैठक बोलावली होती. बैठकीत महिनाभरात परिपूर्ण प्रस्ताव सादर करण्याच्या सूचना अजित पवार यांनी जलसंपदा विभागास केल्याचे सांगत इतर सुरू असणाऱ्या इतर प्रशासकीय कार्यवाहीची माहिती समितीच्या पदाधिकाऱ्यांना दिली.'' माहिती ऐकून समितीच्या सदस्यांनी शिवेंद्रसिंहराजेंच्या माध्यमातून प्रकल्प मार्गी लागेल, असा विश्‍वास व्यक्‍त केला. 

वाह, क्या बात है! बहुल्यात शेतकऱ्यांनी बांधले तब्बल 41 बंधारे; 68 विहिरींच्या पाणीपातळीत मोठी वाढ

कऱ्हाडकर म्हणताहेत अन्यायकारक लॉकडाउन नकोच; मुख्यमंत्री, उपमुख्यमंत्र्यांकडे करणार पुनर्विचाराची मागणी

दस्त नोंदणीत Social Distancingचा फज्जा; Break The Chainमध्ये शासकीय कार्यालयांत जाण्यास बंदी

संपादन : बाळकृष्ण मधाळे