साताऱ्याच्या मध्यभागी असणाऱ्या कारागृहामुळे शहराच्या विकासाला खीळ : उदयनराजे

सातारा : सातारा शहराच्या मध्यभागी असणारे जिल्हा कारागृह स्थलांतरित करण्यासाठीच्या प्रशासकीय हालचाली सुरू झाल्या असून, नवीन प्रस्तावित कारागृहासाठीच्या क्षेत्रमाहुली येथील जागेची नुकतीच खासदार उदयनराजे भोसले यांनी पाहणी केली. 

या वेळी जिल्हा परिषदेचे माजी सभापती सुनील काटकर, बाजार समितीचे संचालक काका धुमाळ, कारागृह प्रशासनाचे वरिष्ठ अधिकारी, तसेच कर्मचारी उपस्थित होते. सातारा शहराच्या मध्यवर्ती भागात जिल्हा कारागृह आहे. कारागृह नियमावलीनुसार या परिसरातील इमारतींचे विकसन काही वर्षांपासून रखडले आहे. हे रखडलेले विकसन मार्गी लागावे, यासाठी राज्य शासनाकडे खासदार उदयनराजे यांनी पाठपुरावा केला होता. 

कडक सॅल्यूट! गोडोली तलावात बुडणाऱ्या महिलेचे साताऱ्यातल्या जांबाज पोलिसांनी वाचवले प्राण

यानुसार कारागृह परिसरातील इमारत उंचीच्या नियमात थोडी शिथिलता आणण्यात आली. शिथिलता आली असली, तरी त्या भागातील रहिवासी, व्यापारी संकुलांचे विकसन रखडले होते. यामुळे शहराच्या मध्यभागी असणारे कारागृह स्थलांतरित करण्याच्या प्रशासकीय हालचाली सुरू झाल्या आहेत. याचाच एक भाग म्हणून आज खासदार उदयनराजेंनी क्षेत्रमाहुली येथील गायरानाच्या जागेची पाहणी केली. पाहणीनंतर उदयनराजे म्हणाले, ""शहराच्या मध्यभागी असणाऱ्या कारागृहामुळे शहराच्या विकासाला खीळ बसली असून, ते स्थलांतरित करणे काळाची गरज आहे. यामुळेच या जागेची पाहणी करण्यात आली असून, त्यासाठीचा पाठपुरावा सुरू आहे.'' 

जावळीतील गावांचा पाणीप्रश्‍न सोडवण्यासाठी बोंडारवाडी धरण प्रकल्प मार्गी लावणार : शिवेंद्रसिंहराजे

जिल्ह्यातील टोलनाक्‍यांवर MH11-MH50 वाहनांना टोलमाफी द्या : आमदार शशिकांत शिंदे

Corona Virus शनिवार आणि रविवारीच बाहेर येतो का?; खासदार उदयनराजेंचा सरकारला सवाल

संपादन : बाळकृष्ण मधाळे