Big Infrastructure Push: Shaktipeeth Expressway Route Finalized in Satara
sakal
सातारा : शक्तिपीठ महामार्गाच्या सुधारित आखणीला राज्य शासनाने मंजुरी दिली असून, यामध्ये सातारा जिल्ह्याचा नव्याने समावेश करण्यात आला आहे. सोलापूर जिल्ह्यातून गारवड मार्गे साताऱ्यातील कारखेल गावात हा महामार्ग येणार आहे. तेथून पर्यंती, दिवड, कुकुडवाडमार्गे खटाव तालुक्यातील पडळ व मायणीजवळून हा मार्ग सांगली जिल्ह्यात जाणार आहे. यातून माणमधील शिखर शिंगणापूर आणि गोंदवले बुद्रुक ही दोन तीर्थक्षेत्रे जोडली जातील.