UPSC Success Story: पहिल्याच प्रयत्नात यूपीएससीत यश; सोहम शेंडे यांची IFS अधिकारीपदी निवड, ग्रामीण भागातील युवकाची प्रेरणादायी यशोगाथा!

दुधेबावी : जिल्हा परिषद शाळेच्या मुख्याध्यापकांचा मुलगा केंद्रीय लोकसेवा आयोगामार्फत घेतलेल्‍या परीक्षेत उत्तीर्ण होऊन प्रथमवर्ग अधिकारी झाला. भाडळी बुद्रुक (ता. फलटण) येथील निवृत्त वरिष्ठ मुख्याध्यापक नामदेव शेंडे यांचा मुलगा सोहम यांची नुकतीच केंद्रीय लोकसेवा आयोगामार्फत घेण्यात आलेल्या यूपीएससी परीक्षेच्या निकालामध्ये देशामध्ये (आयएफएस रँक -७५) मिळवून वनविभागात प्रथमवर्ग अधिकारी म्हणून निवड झाली आहे.