निवडणुकीत उदयनराजे-शिवेंद्रराजेंच्या आघाड्या आमने-सामने भिडणार

Shivendrasinharaje Bhosle vs Udayanraje Bhosle
Shivendrasinharaje Bhosle vs Udayanraje Bhosleesakal
Summary

'निवडणुकीत आम्ही आमच्या ताकतीवर व स्वबळावर लढणार आहोत.'

सातारा : पालिकेच्या निवडणुकीसाठी (Satara Municipal Election) सर्व पक्षीयांनी तयारी सुरू केलीय. त्यांना आम्ही बंधन घालू शकत नाही; पण नगर विकास आघाडी पालिकेची निवडणूक स्वःतच्या ताकतीवर व स्वबळावर लढणार असल्याचे आमदार शिवेंद्रसिंहराजे भोसले (Shivendrasinharaje Bhosle) यांनी स्पष्ट केले आहे. त्यामुळं सातारा पालिकेत दोन्ही राजांच्या आघाड्या आमने-सामने भिडणार असल्याचे चित्र आहे.

Shivendrasinharaje Bhosle vs Udayanraje Bhosle
Political News : निवडणुकीत दोन साखर सम्राटांत चुरस वाढली

सातारा पालिकेच्या निवडणुकीत दोन्ही राजे एकत्र येतील, अशी साताऱ्यात चर्चा आहे. याविषयी आमदार शिवेंद्रसिंहराजेंचे मत पत्रकारांनी जाणून घेतले. त्यावेळी त्यांनी सातारा पालिकेची निवडणूक स्वबळावर लढणार असल्याचे स्पष्ट केले. जिल्हा बँकेत दोन्ही राजे बिनविरोध झाले असल्याने सातारा पालिकेतही दोघे एकत्र लढतील, अशी आशा सातारकरांना आहे. पण, शिवेंद्रसिंहराजेंनी मात्र नकार दिलाय. ते म्हणाले, जिल्हा बँकेच्या निवडणुकीत आम्ही बिनविरोध झालो असलो तरी, माझ्या विरोधात कोणीही उमेदवार दिला असता तरी माझी निवडणूक लढण्याची तयारी होती. मी कोणाचीही विनंती करायला, तसेच कोणाच्या पायऱ्या झिजवायला गेलो नव्हतो. उदयनराजेंचा (Udayanraje Bhosle) बिनविरोधचा निर्णय विधान परिषदेचे सभापती रामराजे नाईक-निंबाळकर (Ramraje Naik-Nimbalkar) यांनी घेतलाय. या निर्णयाशी माझा काहीही संबंध नाही, असं त्यांनी स्पष्ट केलंय.

Shivendrasinharaje Bhosle vs Udayanraje Bhosle
झुंड में तो सूअर आते हैं, शेर अकेला ही आता है!

शिवेंद्रसिंहराजे म्हणाले, सातारा पालिकेच्या निवडणुकीत आम्ही आमच्या ताकतीवर व स्वबळावर लढणार आहोत. राष्ट्रवादीनेही (NCP) पॅनेलसाठी प्रयत्न सुरू केले आहेत. याविषयी विचारले असता ते म्हणाले, असू देत कोणीही असुदेत शिवसेना (Shivsena), भाजप (BJP), आरपीआय (RPI) असू देत. त्यांना आपण बंधन घालू शकत नाहीत. ज्यांना निवडणूक लढवायची आहे, त्यांनी ती लढवावी. आम्ही आमच्यापरीने तयार आहोत, असंही त्यांनी शेवटी स्पष्ट केलं.

Shivendrasinharaje Bhosle vs Udayanraje Bhosle
बाकी साडेचार वर्ष यांनाच हुडकायची वेळ येते; शिवेंद्रराजेंचा टोला

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com