Satara Abuzz Over Udayanraje’s ‘Ear Advice’ to Shashikant Shinde During Voting
sakal
सातारा : विधान परिषदेच्या सांगली-सातारा स्थानिक स्वराज्य संस्था मतदारसंघासाठी जिल्ह्यात आज चुरशीने मतदान झाले. भाजपचे खासदार उदयनराजे भोसले व सार्वजनिक बांधकाममंत्री शिवेंद्रसिंहराजे भोसले हे महायुतीचे उमेदवार धैर्यशील कदम यांच्यासोबत साताऱ्यातील भाजपच्या मतदारांसोबत सातारा तहसील कार्यालयातील मतदान केंद्रावर आले. या वेळी केंद्रावर आधीच उपस्थित असलेले राष्ट्रवादी काँग्रेस शरदचंद्र पवार पक्षाचे प्रदेशाध्यक्ष शशिकांत शिंदे व उदयनराजे भोसले, शिवेंद्रसिंहराजे हे तिघे हास्यविनोदात रमले होते. यावेळी उदयनराजेंनी शशिकांत शिंदे यांच्या कानात काही सांगितल्यावर दोघेही खळखळून हसले. त्या वेळी नेमका कोणता कानमंत्र दिला याची उत्सुकता दिवसभर साताऱ्यात होती.
