Alert for Apple Users: सरकारने दिला महत्त्वाचा इशारा! लवकरात लवकर फोन, लॅपटॉप अपडेट करा नाहीतर...

तुम्ही देखील मॅकबुक, आयफोन किंवा आयपॅड सारखे अॅपल उपकरण वापरत असाल तर ही बातमी तुमच्यासाठी खूप महत्त्वाची आहे. इंडियन कॉम्प्युटर इमर्जन्सी रिस्पॉन्स टीम (CERT-In) ने अॅपल युजर्ससाठी हाय सिक्युरिटी अलर्ट जारी केला आहे. सीईआरटी-इननुसार, हॅकर्स अॅपलचे डिव्हाईस कधीही हॅक करू शकतात. याशिवाय वैयक्तिक डेटा चोरीला जाण्याचाही धोका आहे.

CERT-In ने म्हटलं आहे की अॅपलच्या सफारी ब्राउझरमध्ये वेबकिट ब्राउझर इंजिन वापरलं जातं आणि या इंजिनमध्ये एक बग आहे ज्याचा फायदा हॅकर्स घेऊ शकतात. सीईआरटी-इननुसार, या बगचा फायदा घेऊन आयफोन आणि अॅपल वॉचही हॅक केलं जाऊ शकतात. या बगच्या मदतीने युजर्सच्या फोनमध्ये मालवेअरही इन्स्टॉल केलं जाऊ शकतं.

कोणत्या डिव्हाईसेसला धोका आहे?

• Apple macOS Monterey 12.7 च्या आधीचे व्हर्जन

• Apple macOS Ventura च्या 13.6 आधीचे व्हर्जन

• Apple watchOS च्या 9.6.3 आधीचे व्हर्जन

• 10.0.1 आधीचे Apple watchOS व्हर्जन

• Apple iOS चे 16.7 आधीचे आणि iPadOS चे 16.7 आधीचे व्हर्जन

• Apple iOS च्या 17.0.1 च्या आधीच्या आणि iPadOS च्या 17.0.1 च्या आधीचे व्हर्जन्स

• Apple Safari च्या 16.6.1 आधीचे व्हर्जन्स

अशा बग्स टाळण्याचा सर्वोत्तम आणि प्रभावी मार्ग म्हणजे तुमची सिस्टम अपडेट करणे. तुमच्याकडे आयफोन, मॅकबुक किंवा ऍपल वॉच असल्यास, ते लवकरात लवकर अपडेट करा.