Tata ची इलेक्ट्रिक कार ठरतेय ग्राहकांची पसंत, एका चार्जमध्ये धावते 310 किमी | Sakal
sakal

बोलून बातमी शोधा

best selling electric car Tata nexon ev crossed 13500 units sales

ही इलेक्ट्रिक कार ठरतेय ग्राहकांची पसंत, एका चार्जमध्ये धावते 310km

सध्या देशात नागिरिकांचा कल इलेक्ट्रिक वाहने (EV) खरेदी करण्याकडे मोठ्या प्रमाणात वाढत आहे. Tata Motors च्या इलेक्ट्रिक SUV Nexon EV ने विक्रीत एक नवीन टप्पा गाठला आहे. कंपनीने दिलेल्या माहितीनुसार लॉन्च झाल्यापासून 2 वर्षात या इलेक्ट्रिक वाहनाने 13,500 युनिट्सपेक्षा जास्त विक्रीचा आकडा पार केला आहे. एप्रिल 2021 मध्येच कंपनीने सांगितले होते की, कारचे चार हजार युनिट्स विकले गेले आहेत. अशा प्रकारे, एकूण 10 महिन्यांत, Nexon EV ने 9000 हून अधिक युनिट्स विकल्या गेल्या आहेत.

सध्या, Tata Nexon EV ही देशातील सर्वाधिक विकली जाणारी इलेक्ट्रिक कार आहे. त्याची दर महिन्याला सुमारे एक हजार युनिट्सची विक्री होते. टाटा मोटर्सची ही पहिली इलेक्ट्रिक कार होती, जी खाजगी खरेदीदारांसाठी बाजाराच आणली गेली होती. दरम्यान Tata Nexon EV ची किंमत 14.29 लाख ते 16.90 लाख रुपये (एक्स-शोरूम) दरम्यान आहे.

310KM पेक्षा जास्तची रेंज

Tata Nexon EV मध्ये , कंपनीने 30.2 kWh क्षमतेचा लिथियम-आयन लिक्विड कूल्ड बॅटरी पॅक दिला आहे. कंपनीचा दावा आहे की, ही इलेक्ट्रिक एसयूव्ही एका चार्जमध्ये 315 किमी पर्यंत ड्रायव्हिंग रेंज देते. ही इलेक्ट्रिक एसयूव्ही फास्ट चार्जिंग सीस्टीमसह केवळ 1 तासात 80% पर्यंत चार्ज होते. तर नियमित चार्जरने या कारची बॅटरी पूर्णपणे चार्ज होण्यासाठी 8 ते 9 तास लागतात.

हेही वाचा: वाहनात CNG किट बसवण्यासाठी नवे नियम, 'या' गाड्यांना मिळणार परवानगी

या कारची इलेक्ट्रिक मोटर 127 bhp आणि 245 Nm पीक टॉर्कसाठी ट्यून केली गेली आहे. याचा सर्वाधिक वेग 120 किमी प्रतितास असून तो 9.9 सेकंदात 0-100 किमी प्रतितास वेग गाठू शकते. या कारचा बॅटरी पॅक IP67 रेटेड वॉटर रेझिस्टंट आहे. कंपनी त्यांच्या बॅटरीवर 8 वर्षे / 1.6 लाख किमी. पर्यंत वॉरंटी देखील ऑफर करते. Nexon EV तीन कलर ऑप्शन्समध्ये उपवब्ध आहे सिग्नेचर टील ब्लू, ग्लेशियर व्हाइट आणि मूनलाईट सिल्व्हर. अलीकडेच, कंपनीने एक डार्क एडिशन देखील सादर केले आहे.

हेही वाचा: व्हॉट्सॲप वापरकर्त्यांना झटका, आता चॅट बॅकअपसाठी द्यावे लागणार पैसे

Web Title: Best Selling Electric Car Tata Nexon Ev Crossed 13500 Units Sales Marathi Auto News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top