IIT च्या माजी विद्यार्थ्यांनी भारतीय लष्करासाठी बनवला ड्रोन; केला 130 कोटींचा करार

नवी दिल्ली- भारतीय औद्योगिकी संस्थेच्या (आयआयटी-बॉम्बे) तीन माजी विद्यार्थ्यांनी आणि प्रमुख इंजिनिअरिंग संस्थांच्या सहयोगाने बनलेल्या एका कंपनीने (Ex-IITians' company) भारतीय सैन्यासोबत (Indian Army) 130 कोटी रुपयांच्या करारावर स्वाक्षरी केली आहे. ideaForge Technology नावाच्या या कंपनीची स्थापना 2007 मध्ये झाली होती. अंकित मेहता, राहुल सिंह आणि आशीष भट्ट यांनी ही कंपनी उभारली आहे. 

Farmers Protest : चर्चेची 9 वी फेरी आज; राहुल गांधींच्या नेतृत्वात आज काँग्रेस...

आयआयटी बॉम्बेने आपल्या अधिकृत फेसबुक पेजवर ही माहिती शेअर केली आहे. फेसबुकवर लिहिण्यात आलंय की, SINE आणि अंकित, राहुल, आशीष यांना आमच्या शुभेच्छा. हे खरंच प्रशंसनीय आहे की त्यांना मागील वर्षी एलुमनी अॅचीव्हर अवार्डसाठी निवडण्यात आले होते. 

आपल्या वेबसाईटवर कंपनीने म्हटलंय की, भारतीय सैन्याला ideaForge's स्विच UAV चे मानव रहित एरियस व्हेईकल उपलब्ध करुन देण्यात येणार आहे. ऑपरेशनल संबंधी सर्व मापदंड पूर्ण करण्याची क्षमता असल्याने ideaForge शी करार करण्यात आला आहे. 

Army Day 2021: 15 जानेवारीला का साजरा केला जातो 'आर्मी डे'?

स्विच यूएवी एक एफएक्सड विंग VTOL (वर्टिकल टेकऑफ ऑर लँडिंग) क्राफ्ट आहे, ज्याला दिवसरात्र देखरेख आणि कठीण वातावरणात तैनात केले जाऊ शकते. कंपनीने दिलेल्या माहितीनुसार, हे उपकरण मॅन-पोर्टेबल आहे आणि आपल्या श्रेणीच्या कोणत्याही यूएवीशी तुलना करता अत्याधुनिक आहे. तसेच आपल्या टार्गेटवर जास्तवेळ नजर ठेऊ शकते.