Google Doodle : आजचे डूडल मनोरंजन जगतातील या जादूगाराच्या नावे, कोण होता अ‍ॅलन?

Google Doodle : आजचे स्पेशल डूडल इंग्लिश अभिनेता आणि दिग्दर्शक अ‍ॅलन रिकमच्या स्मरणार्थ खास क्रिएट करण्यात आलेय. अॅलनला मनोरंजन क्षेत्रातील जादूगार म्हणून ओळखलं जायचं. त्याने मनोरंजन क्षेत्रात जवळपास ४० वर्षे काम केले होते. जाणून घेऊया त्याच्या कारकीर्दीबाबत सविस्तर.

अॅलन सीडनी पॅट्रिक रिकमन हा इंग्लिश सिनेमा अभिनेता आणि दिग्दर्शक होता. त्यांने डाय हार्ड, रॉबिन हूड: प्रिन्स ऑफ थीव्स, ट्रूली, मॅडली, डीपली आणि हॅरी पॉटर यांसारख्या चित्रपटांसह ५० पेक्षा अधिक चित्रपटांत अभियन केला होता.

अॅलन रिकमनने १८८७ मध्ये केलेल्या नाटकातील सादरीकरणानंतर त्याच्या सिनेमातील कारकीर्दीला नवं वळण मिळालं. गूगलने खुद्द त्याच्या कारकीर्दीबाबत लिहीले आहे. अॅलन डाय हार्ड, रिझर्वोअर डॉग्स आणि पल्प फिक्शन मधील त्याच्या उत्कृष्ट कामगिरीसाठी देखील ओळखला जातो. (Google Doodle)

21 फेब्रुवारी 1946 रोजी जन्मलेला, अॅलन रिकमन हा नैसर्गिक चित्रकार होता. त्याच्या शाळेतील शिक्षक आणि कुटुंबाकडून प्रोत्साहन मिळाल्यानंतर त्यांने विविध कला प्रकारांमध्ये रस निर्माण केला. त्याने अभिनयासाठीदेखील विशेष रुची निर्माण केली आणि लंडनमधील लेटिमर अप्पर स्कूलमध्ये त्याच्या कलेच्या जोरावर शिष्यवृत्तीदेखील मिळवली. (Hollywood)

डाय हार्ड चित्रपटातील क्रिमिनल हंस ग्रुबरसारख्या त्याच्या बहुतेक अँटी-हिरो भूमिकांमुळे अॅलन रिकमनला प्रसिद्धी मिळाली. या चित्रपटातील भूमिकेसाठी अभिनेता अनेक दशकांपासून लक्षात राहिला आहे. नंतर, तो 'रॉबिन हूड: प्रिन्स ऑफ थीव्ह्ज' सारख्या चित्रपटांमध्ये इतर विरोधी भूमिका साकारण्यासाठी पुढे गेला. सेन्स अँड सेन्सिबिलिटी (1995) आणि रास्पुतिन: डार्क सर्व्हंट ऑफ डेस्टिनी (1996) मध्ये देखील त्याने काम केले होते. अभिनयाव्यतिरिक्त, तो त्याच्या परोपकारासाठी आणि दयाळू-संवेदनशील स्वभावासाठी देखील लक्षात ठेवला जातो.