OTT Subscription: Netflix, Amazon Prime चे सबस्क्रिप्शन एकदम फ्री, पाहा कसा मिळेल फायदा

Best Postpaid Plans: गेल्याकाही वर्षात भारतात ओटीटी प्लॅटफॉर्म्सची लोकप्रियता वाढली आहे. या प्लॅटफॉर्म्ससाठी दरमहिन्याला शेकडो रुपये खर्च करावे लागतात. मात्र, सोप्या ट्रिकने तुम्हाला Netflix, Amazon Prime चे सबस्क्रिप्शन मोफत मिळेल. या प्लॅटफॉर्मचे सबस्क्रिप्शन मोफत कसे मिळू शकते, याविषयी जाणून घेऊया.

Airtel चा १,१९९ रुपयांचा पोस्टपेड प्लॅन

टेलिकॉम कंपनी एअरटेलकडे १,१९९ रुपये किंमतीचा शानदार पोस्टपेड प्लॅन उपलब्ध आहे. या प्लॅनमध्ये अनलिमिटेड कॉलिंग, दररोज १०० मोफत एसएमएससह अनेक फायदे मिळतात. प्लॅनमध्ये ओटीटी सबस्क्रिप्शन देखील मोफत दिले जाते. यात Netflix, Amazon Prime आणि Disney+Hotstar चे मोफत सबस्क्रिप्शन मिळेल.

हेही वाचा: Auto Expo 2023: भारतीय कंपनी सादर करणार जगातील पहिली सेल्फ-बॅलेन्सिंग इलेक्ट्रिक स्कूटर, पाहा डिटेल्स

Jio चा ३९९ रुपयांचा पोस्टपेड प्लॅन

Netflix आणि Amazon Prime चे मोफत सबस्क्रिप्शन हवे असल्यास हा पोस्टपेड प्लॅन तुमच्यासाठी फायद्याचा ठरेल. तुम्हाला अवघ्या ३९९ रुपयांच्या पोस्टपेड प्लॅनमध्ये Netflix, Amazon Prime चे मोफत सबस्क्रिप्शन मिळेल. तसेच, ५जी डेटा देखील दिला जातो. प्लॅनमध्ये १ वर्षासाठी Amazon Prime Video चे सबस्क्रिप्शन दिले जाते. तसेच, २०० जीबी डेटा रोलओव्हरची देखील सुविधा मिळेल.

VI चा ५०१ रुपयांचा पोस्टपेड प्लॅन

VI चा ५०१ रुपयांचा प्लॅन शानदार बेनिफिट्ससह येतो. यात प्लॅनमध्ये तुम्हाला Amazon Prime, Disney+Hotstar चे मोफत सबस्क्रिप्शन मिळेल. तसेच, रात्री १२ ते सकाळी ६ वाजेपर्यंत अनलिमिटेड डेटा वापरू शकता. प्लॅनमध्ये देशभरात सर्व नेटवर्कवर कॉलिंग, ९० जीबी डेटा दिला जातो. मात्र, लक्षात घ्या की या प्लॅनमध्ये Netflix चे सबस्क्रिप्शन मिळणार नाही.

हेही वाचा: योग्य वेळेतच करा इच्छापत्र आणि व्हा चिंतामुक्त