ग्राहकांच्या हृदयावर राज्य करणाऱ्या WagonR चे नवं मॉडेल लवकरच बाजारात

मारुती सुझुकी (Maruti Suzuki) आपली सर्वाधिक विकली जाणारी कार WagonR पुढील महिन्यात नवीन बदलांसह सादर करण्याच्या तयारीत आहे. हे बदल नेमके काय असतील याची माहिती समोर आलेली नसली तरी तिच्या डिझाइन आणि इंटीरियरमध्ये बदल होण्याची शक्यता आहे. सध्या मारुती वॅगनआरचे जे मॉडेल बाजारात आहे, ते 2019 मध्ये प्रथम लॉन्च झाले होते. हे मॉडेल 2 वर्षांहून अधिक जुने आहे. नवीन WagonR फेसलिफ्टच्या बाहेरील भागात किरकोळ बदल केले जातील अशी अपेक्षा आहे. टॉप व्हेरियंटमध्ये सुधारित बंपर आणि नवीन डिझाइन केलेले 15-इंच अलॉय व्हील मिळण्याची शक्यता आहे. ही कार नव्या रंगासह येऊ शकते. (Maruti Suzuki is all set to launch its best-selling car WagonR next month with new changes.)

फिचर्स (Features)-

2022 मारुती वॅगनआर फेसलिफ्टच्या डॅशबोर्ड डिझाइनमध्ये बदल होण्याची शक्यता नाही. 2022 WagonR ला AMT व्हेरियंट आणि इंजिन आइडल स्टार्ट स्टॉप सिस्टमसह हिल होल्ड असिस्ट मिळू शकतो. Apple Car Play आणि Android Auto सपोर्टसह 7-इंचाच्या टचस्क्रीन इन्फोटेनमेंट सिस्टमसह ही कार येऊ शकते.

इंजिन (Engine)-

नवीन वॅगनआरच्या इंजिनमध्ये कोणताही बदल होणार नाही. ही कार 2 प्रकारच्या पेट्रोल इंजिन पर्यायांसह येईल.1.0 लिटर आणि 1.2 लिटर 4-सिलेंडरसह ही कार येईल. 1.0 लीटर इंजिन 68bhp पॉवर आणि 90Nm टॉर्क जनरेट करते आणि 1.2L इंजिन 83bhp पॉवरसह येते. त्याच्या ट्रान्समिशन पर्यायांमध्ये 5-स्पीड मॅन्युअल गिअरबॉक्सचा समावेश आहे.

मायलेज आणि किंमत (Mileage and price)-

1.0 लिटर पेट्रोल इंजिन असलेली WagonR 22.5 kmpl मायलेज देते आणि 1.2 लिटर इंजिन असलेली WagonR 21.5 kmpl मायलेज देते. सध्याच्या WagonR ची किंमत 4.93 लाख ते 6.45 लाख रुपये आहे.