नवीन मारुती Baleno जून्या मॉडलपेक्षा खरंच खास आहे? जाणून घ्या सविस्तर

मारुती सुझुकी(Maruti Suzuki) ने अलीकडेच काही नवीन बदलांसह नवीन बलेनो (Baleno) लॉन्च केली आहे. मात्र नवीन मॉडेल डिझाइन, फीचर्स आणि इंजिन-गिअरबॉक्ससह जवळजवळ प्रत्येक बाबतीत मागील मॉडेलपेक्षा बरेच बदल केले आहेत. चला तर मग या नविन मारुती बलेनोमध्ये किती आणि कोणते बदल झाले आहेत याची सविस्तर माहिती घेऊयात..

1. डिझाइन

नवीन बलेनोमध्ये अनेक कॉस्मेटिक अपडेट्स केले गेले आहेत, त्यानंतर हे वाहन पूर्वीपेक्षा अधिक प्रीमियम दिसते. समोर एक नवीन ग्रिल देण्यात आली आहे, ज्याच्या आजूबाजूला क्रोम फिनिश आहे. याशिवाय नवीन बंपर, नवीन एलईडी लाइटिंग (एलईडी प्रोजेक्टर लाइट्स, थ्री एलईडी इलेमेंट्ससह डीआरएल आणि एलईडी फॉग लॅम्प) देखील अपडेट्स म्हणून देण्यात आले आहेत. दुसरीकडे, मारुती सुझुकी बलेनोची डायमेंशन्स आणि केबिनची स्पेस तेवढीच आहे. मात्र, मागील विंडस्क्रीनच्या बदललेल्या एंगलमुळे बूट स्पेस घेतला आहे, ज्यामुळे तो 339-लिटर वरून 318-लिटर झाला आहे.

2. फीचर्स आणि इंटेरियर

नवीन बलेनोला पूर्णपणे नवीन इंटीरियर लेआउट मिळाले आहे आणि मागील बलेनोची थीम बदलून नवीन डिझाइन देण्यात आली आहे. पूर्वीच्या मॉडेलमध्ये सात-इंच टचस्क्रीन, ऑटोमॅटीक AC, क्रूझ कंट्रोल इत्यादीसारख्या काही फीचर्स होते, तर नवीन बलेनो कनेक्टेड कार फीचर्ससाठी सुझुकी कनेक्ट सूटसह फ्लोटिंग नऊ-इंच टचस्क्रीनसह दिले आहे. 360-डिग्री सराउंड व्ह्यू, हेड्स-अप डिस्प्ले, ऑटोमॅटिक एसी साठी नवीन पॅनल, फ्लॅट-बॉटम स्टीयरिंग व्हील, 'हाय सुझुकी' व्हॉईस असिस्ट सिस्टम, रियर एसी व्हेंट्स इत्यादी देण्यात आले आहे.

3. सेफ्टी फीचर्स

जुन्या बलेनोमध्ये ड्युअल फ्रंट एअरबॅग्ज, EBD सह ABS, सीटबेल्ट रिमाइंडर, रिव्हर्सिंग कॅमेरा आणि स्पीड अलर्ट सिस्टीम, तर नवीन मॉडेलमध्ये सहा एअरबॅग्ज, इलेक्ट्रॉनिक स्टॅबिलिटी प्रोग्राम आणि टॉप-एंड ट्रिम्सवर 360-डिग्री कॅमेरा दिला आहे.

4. इंजिन

मारुती सुझुकी बलेनोला आधी 1.2-लीटर पेट्रोल इंजिन देण्यात आले होते जे 82 Bhp पॉवर आणि 113 Nm पीक टॉर्क जनरेट करते. तसेच, जुन्या वाहनाला 5-स्पीड गिअरबॉक्स आणि CVT ऑटोमॅटिक युनिट यासारखे ऑप्शन देण्यात आले होते.

नवीन बलेनोमध्ये, 1.2-लीटर ड्युअलजेट ड्युअल VVT पेट्रोल इंजिन वापरण्यात आले आहे, जे आता 88.5 bhp आणि 113 Nm टॉर्क जनरेट करते. हे इंजिन आता नवीन हायड्रॉलिक क्लचसह पाच-स्पीड मॅन्युअल गिअरबॉक्ससह उपलब्ध आहे.