Electric Car : आवडीची EV खरेदी न करता चालवता येणार; 'ही' कंपनी देतीये जबरदस्त ऑफर

EV Car Bike On Rent : वाढत्या पेट्रोलच्या दरांमुळे अनेकजण आता इलेक्ट्रिक वाहन खरेदीकडे वळले आहेत. मात्र, अनेकांना इच्छा असूनही बजेटमुळे किंवा इतर कारणांमुळे ईव्ही गाडी खरेदी करणं शक्य होत नाही.

आज आम्ही तुम्हाला अशाच एका भन्नाट ऑफरबद्दल सांगणार आहोत. ज्यामुळे तुम्ही तुमची आवडती ईव्ही खरेदी न करता चालवण्याचा आनंद लुटू शकणार आहात.

ऑफर काय आहे

ऑफर अंतर्गत कंपनी सबस्क्रिप्शन प्लॅनसह इलेक्ट्रिक कार आणि बाइक ऑफर करत आहे. ज्यांना ईव्हीची मालकी हवी आहे ते मासिक सबस्क्रिप्शनवर इलेक्ट्रिक कार किंवा त्यांच्या आवडीची बाइक निवडू शकणार आहेत.

कोणती कंपनी देतीये ऑफर

मंथली सब्सक्रिप्शनवर आवडीची इलेक्ट्रिक कार किंवा बाईकची ही ऑफर swytchd कंपनीने दिली आहे. ही कंपनी बंगलोर स्थित स्टार्टअप कंपनी असून, जी देशातील अनेक शहरांमध्ये सेवा देण्याचे काम करते. विशेष म्हणजे या कंपनीने ही ऑफर देताना कोणत्याही जाचक अटी घातलेल्या नाही.