Tata Altroz CNG And Punch CNG : आता टाटा पंच आणि अल्ट्रोझ येणार इलेक्ट्रिक-सीएनजी अवतारात

Tata Altroz CNG And Punch CNG : आता टाटा अल्ट्रोझ हॅचबॅक आणि पंच मायक्रो एसयूव्ही मॉडेल सीएनजी व्हेरियंट आणि इलेक्ट्रिक व्हेरियंट मिळणार आहेत. या वर्षीच्या ऑटो एक्स्पोमध्ये दोन्ही कारच्या CNG व्हर्जन्सचं प्रदर्शन लावण्यात आलं होतं.

गाडीतला बूट स्पेस वाचवण्यासाठी मागच्या बाजूला ड्युअल सिलेंडर लेआउट सेटअप करण्यात आलाय. आणि ही खरं तर जमेची बाजू आहे. यामध्ये इंजिन कंट्रोल युनिट म्हणजेच ईसीयू आणि डायरेक्ट स्टेट सीएनजी आहे.

या मॉडेलला फर्स्ट-इन-सेगमेंट लीकेज डिटेक्शन टेक्नॉलॉजी मिळते. कारमध्ये जर गॅस गळती होते आहे असं वाटलं तर टेक्नोलॉजीने कार पेट्रोल मोडवर स्विच होऊ शकते. Tata Altroz ​​CNG आणि पंच CNG वरील पॉवरट्रेन सेटअपमध्ये 1.2L पेट्रोल इंजिनसह फॅक्टरी-फिट केलेल्या CNG किटचा समावेश आहे. हे 77PS ची पॉवर आणि 95Nm टॉर्क जनरेट करते. यात ट्रान्समिशन ड्युटीसाठी 5-स्पीड मॅन्युअल गिअरबॉक्स मिळतो.

टाटा अल्ट्रोझ सीएनजी आणि पंच सीएनजी

पेट्रोल मॉडेलप्रमाणे सीएनजी व्हेरियंटमध्ये अँड्रॉइड ऑटो आणि ऍपल कारप्ले कनेक्टिव्हिटीसह 7-इंच इंफोटेनमेंट सिस्टम, सेमी-डिजिटल इन्स्ट्रुमेंट क्लस्टर, ऑटोमॅटिक क्लायमेट कंट्रोल, लेदर सीट अपहोल्स्ट्री, इलेक्ट्रिक सनरूफ, हाईट अॅडजस्टेबल ड्रायव्हर सीट आणि प्रोजेक्टर मिळण्याची शक्यता आहे. टाटा पंच EV 2023 ऑटो एक्सपोमध्ये लाँच करण्यात आली होती.

ऐन सणासुदीच्या मुहूर्तावर ही कार विक्रीसाठी येण्याची शक्यता आहे. हे मॉडेल अल्फा प्लॅटफॉर्मवर आधारित आहे आणि यात टाटाची झिप्टट्रॉन पॉवरट्रेन मिळण्याची शक्यता आहे. Nexon EV प्रमाणे, इलेक्ट्रिक मिनी SUV मध्ये दोन बॅटरी पॅक मिळू शकतात.

या नव्या इलेक्ट्रिक व्हर्जनला त्याच्या ICE मॉडेलपेक्षा वेगळे बंपर, नवीन चाके आणि रंग दिला जाईल. Tata Altroz ​​EV पुढील वर्षी येण्याची अपेक्षा आहे. कारमध्ये पॉवरट्रेन आणि डिझाइन बदल देखील मिळू शकतात.