Twitter Verification Tick: ट्विटरची मालकी आल्यापासून एलॉन मस्क सातत्याने प्लॅटफॉर्मवर बदल करत आहे. आता कंपनीने अकाउंट व्हेरिफिकेशनबाबत मोठा बदल केला आहे. कंपनीने Twitter Blue ही पेड सबस्क्रिप्शन सर्व्हिस लाँच केली आहे. सोबतच, आता यूजर्सला तीन वेगवेगळ्या रंगात व्हेरिफाइड टिक मिळणार आहे. भारतात Twitter Blue सर्व्हिससाठी आयफोन यूजर्सला ९९९ रुपये खर्च करावे लागतील.
गोल्ड टिक (Twitter Gold Tick)
एलॉन मस्क यांनी काही दिवसांपूर्वी व्हेरिफाइड अकाउंट्सला गोल्ड, ब्लू आणि ग्रे टिक मिळेल, अशी माहिती दिली होती. त्यानुसार आता कंपन्यांच्या ट्विटर अकाउंटवर गोल्ड टिक दिसेल. खासगी कंपन्यांच्या अकाउंटला गोल्ड व्हेरिफिकेशन टिक मिळेल.
ग्रे टिक (Twitter Grey Tick)
काही यूजर्सला ग्रे टिक देखील मिळणार आहे. यामध्ये सरकारी संस्थांचा समावेश आहे. या व्हेरिफाइड टिकच्या मदतीने खासगी कंपनी आणि सरकारी संस्थांमधील फरक समजू शकेल. मात्र, या सर्व व्हेरिफिकेशन टिकसाठी तुम्हाला अ‍ॅप्लाय करावे लागेल.
प्रसिद्ध व्यक्तींना मिळणार ब्लू टिक
प्रसिद्ध व्यक्तींच्या ट्विटर अकाउंटसमोर ब्लू टिक पाहायला मिळाले. तुम्ही सहज ट्विटरवरून व्हेरिफाइड टिकसाठी अर्ज करू शकता. यासाठी तुम्हाला दरमहिन्याला जवळपास १००० रुपये खर्च करावे लागतील. Twitter Blue पेड सबस्क्रिप्शन सर्व्हिसचा फायदा घेतल्यास तुम्ही ट्विट एडिट करणे, १०८०p व्हीडिओ अपलोड करणे यासारखे फीचर्स देखील वापरू शकता.
एका चुकीमुळे जाईल व्हेरिफाइड टिक
तुम्ही जर ट्विटर अकाउंटवरील नाव, यूजरनेम अथवा फोटो बदलल्यास व्हेरिफाइड टिक काढून टाकली जाईल. त्यानंतर तुम्हाला पुन्हा एकदा व्हेरिफिकेशनसाठी अर्ज करावा लागेल.
व्हेरिफिकेशनसाठी अशाप्रकारे करता येईल अ‍ॅप्लाय
ब्लू टिकसाठी तुम्हाला अकाउंटच्या सेटिंग्समध्ये जावे लागेल. येथे "request verification" वर क्लिक करा. आता "Verified" सेक्शन दिसेल.
त्यानंतर Start Now वर क्लिक करा.
येथे तुम्हाला गव्हर्मेंट, न्यूज ऑर्गनाइजेशन, बिझनेस आणि ब्रँड असे वेगवेगळे पर्याय दिसतील.
आता तुमची अधिकृत वेबसाइट, आर्टिकल्स, सरकारी ओळखपत्र व इतर माहिती सबमिट करावी लागेल.
या प्रक्रियेनंतर काही दिवसात तुम्हाला अकाउंट व्हेरिफाय होईल की नाही, याबाबत ट्विटरकडून मेल येईल.
हेही वाचा : इच्छापत्र करायचंय...मग या गोष्टी नक्कीच माहिती हव्यात....
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
