सावधान! गाडी चालवताना फोनवर बोलताय? हा थरारक व्हिडिओ पाहा; झोप उडेल | Video Viral

आपल्याला गाडी चालवताना फोनवर बोलण्याची सवय आहे का? गाडी चालवताना तुम्हीसुद्धा फोनवर बोलत असाल तर सध्या व्हायरल होत असलेला हा व्हिडिओ नक्की बघा. फोनवर बोलत असताना एका दुचाकीस्वाराला गाडीने धडक दिल्याचं या व्हिडिओमध्ये दिसत असून हा व्हिडिओ चांगलाच व्हायरल झाला आहे.

व्हायरल होत असलेल्या व्हिडिओमध्ये एक व्यक्ती दुचाकी चालवत असताना फोनवर बोलत असतो. तर समोरून येत असलेल्या चारचाकी कारने या दुचाकीला धडक दिली. पुढे जाऊन चारचाकी गाडी रस्त्याच्या कडेला जाऊन आदळली. यामध्ये चारचाकी गाडीचे मोठे नुकसान झाले आहे.

दरम्यान, एका व्यक्तीच्या चुकीमुळे चारचाकी गाडीचे मोठे नुकसान झाले असून दुचाकीचेसुद्धा किरकोळ नुकसान झाले आहे. सध्या हा व्हिडिओ चांगलाच व्हायरल होत असून अनेकांनी त्यावर आपल्या प्रतिक्रिया व्यक्त केल्या आहेत. त्याचबरोबर अनेकांनी हा व्हिडिओ शेअर केला आहे.