Ajit Pawar : चपटीसाठी काय पण! अजित पवारांनी सांगितला भन्नाट किस्सा

NCP Latest Marathi News: विरोधीपक्षनेते अजित पवार आपल्या रोखठोक भाषणामुळे नेहमीच चर्चेत असतात. त्यात त्याच्या बोलण्याच्या स्टाईलमुळे त्यांचे लाखो सर्मथक आहेत. अशात बारामतीत भाषण करताना अजित पवारांनी बस स्टॉपवरील चोरीचा किस्सा सांगितला. ज्यामुळे एकचं हशा पिकला.

"कचेरीकडून कसब्यात जाणारा पूल पाहणीवेळी सुरक्षा भिंतीवर असे भाले काढले होते. ते भाले कुणीतरी काढून नेलेले मला दिसले. मी अधिकाऱ्यांना विचारले असता त्यांनी सांगितलं की, दादा एक भाला चोरला की त्यातून १०० रूपये मिळतात. त्यानंतर दारूडे लोकं दोन दारूच्या (चपटी) बाटल्या घेतात आणि टल्ली होतात.

अरे आपण करतोय काय याचं भान आपल्याला असायला पाहिजे. त्यामुळे आता बसस्थानकाच्या सुरक्षाभिंतीवर असे भाले टाकू नका असं मी सांगितंल" असं अजित पवार आपल्या भाषणात म्हणाले. (Latest Marathi News)

दरम्यान, त्यांच्या भाषणावेळी त्यांनी ज्यावेळी दारूची बाटली हातवारे करून दाखवली आणि चपटी असा उल्लेख केला त्यावेळी प्रेक्षकांमध्ये एकच हशा पिकला. सध्या त्यांचा हा व्हिडिओ सोशल मीडियावर चांगलाच व्हायरल झाला आहे. (Marathi Tajya Batmya)