Song Viral : 'आमच्या पप्पांनी गणपती आणला'; सोशल मीडियावर प्रचंड धुमाकूळ घातलेलं गाणं ऐकलंय का?

गणेशोत्सव जवळ आला असून गणपती उत्सव सुरू होण्याच्या अगोदर 'आमच्या पप्पांनी गणपती आणला' हे गाणं सध्या सोशल मीडियावर चांगलंच व्हायरल झालं आहे. यामध्ये एक छोटा मुलगा गणपतीचं गाणं म्हणताना दिसत असून नेटकऱ्यांकडून या गाण्याला चांगलीच पसंती मिळत आहे.

गणेश केंद्रे या इंस्टाग्राम अकाऊंटवरून हा व्हिडिओ शेअर करण्यात आला असून त्यामध्ये अवघा ४ वर्षांचा मुलगा अभिनय करताना दिसत आहे. साईराज असं या चिमुकल्याचं नाव असून तो बीड जिल्ह्यातील परळी तालुक्यातील कन्हेरवाडी येथील असल्याची माहिती आहे. तो अनुराधादेवी इंग्लिश हायस्कूलमध्ये शिक्षण घेत असून त्याच्या या गाण्यामुळे तो रातोरात स्टार झाला आहे.

सोशल मीडियावर व्हायरल झालेल्या या गाण्यावर नेटकऱ्यांनी आपल्या प्रतिक्रिया व्यक्त केल्या आहेत. तर या गाण्यातील गोड चिमुकला पाहून आपलेही समाधान होईल.